ផ្លឹស-ខេអេក ញូវ

ព្រះកាយច័ន្ទ កាន់តែជោគជ័យលើវិថីសិល្បៈ និងមានសមត្ថភាពអាចក្តាប់បានតំណែងជាពិធីការិនីពីកម្មវិធី “Mr.Chef Khmer” ថែមទៀត

កម្សាន្ត
June 5th, 2023 (6 months)
196
Share

ភ្នំពេញ៖ អាចនិយាយបានថា ព្រះកាយច័ន្ទ គឺជាសិល្បករមួយរូបដែលមានពហុជំនាញដែលក្រៅពីអ្នកគាំទ្រជាច្រើនបានស្គាល់នាងថាជាតារាសម្តែងហើយនោះ តារាស្រីរូបនេះកំពុងលេចធ្លោខ្លាំងជាមួយនឹងក្លិបបង្ហាត់របាំ ការដើរម៉ូតដែលមានសិស្សតូចៗជាច្រើនបានទៅហ្វឹកហាត់ជាមួយនាងដើម្បីត្រៀមឡើងប្រកួតលើឆាក។

ព្រះកាយច័ន្ទ ត្រូវបានទទួលស្គាល់ថាជាគ្រូបង្ហាត់របាំ និងដើរម៉ូតដ៏ល្អម្នាក់ដែលបានបង្ហាត់បង្ហាញដល់សិស្សតូចៗជាច្រើនឱ្យកាន់តែរីកចម្រើនខ្លាំងឡើង។ មិនត្រឹមតែប៉ុណ្ណោះ នាងថែមទាំងមានថ្វីមាត់អាចធ្វើជាពិធីការិនីបានយ៉ាងល្អថែមទាំងផង ជាក់ស្តែងពេលនេះ ព្រះកាយច័ន្ទ គឺជាពិធីការិនីប្រចាំកម្មវិធី “Mr.Chef Khmer” របស់ស្ថានីយ៍ទូរទស្សន៍ MyTVផងដែរ។

ជាមួយនឹងកម្មវិធីប្រកួតធ្វើម្ហូបពីសិល្បករដែលត្រូវបានអញ្ជើញឱ្យចូលរួមកម្សាន្តក្នុងកម្មវិធី “Mr.Chef Khmer” ព្រះកាយច័ន្ទ បានចាប់ដៃគូជាមួយលោក B.I.G. ញ៉ាំងបរិយាកាសក្នុងកម្មវិធីឱ្យមានភាពរស់រវើកបែបកំប្លុកកំប្លែងជាមួយនឹងតារាកិត្តិយសបង្កើតបរិយាកាសក្នុងកម្មវិធីឱ្យមានតែសំណើច។

ដូចនេះ ចង់ដឹងថាកម្មវិធី “Mr.Chef Khmer” នឹងមានអ្វីប្លែកជូនទស្សនិកជនក៏ដូចជាថ្វីមាត់ជាពិធីការិនីរបស់ ព្រះកាយច័ន្ទ មានភាពរស់រវើកខ្លាំងប៉ុណ្ណា កុំភ្លេចរង់ចាំទស្សនាកម្មវិធី “Mr.Chef Khmer” ទាំងអស់គ្នានៅថ្ងៃទី០៧ ខែមិថុនា ចាប់ពីវេលាម៉ោង ៨យប់តទៅនៅលើកញ្ចក់ទូរទស្សន៍ MyTV តែមួយគត់៕

អត្ថបទទាក់ទង