×

អាស៊ានប៉ារ៉ាហ្គេម៖ កម្ពុជាយកឈ្នះហ្វីលីពីនលើវិញ្ញាសាបាល់បោះជិះរទេះផ្នែកនារី

ក្រុមកីឡាការិនីបាល់បោះជិះរទេះកម្ពុជា បានយកឈ្នះលើក្រុមកីឡាការិនីបាល់បោះជិះរទេះហ្វីលីពីន ដោយលទ្ធផល ៤០ ទល់នឹង ២៥ លើវិញ្ញាសាបាល់បោះជិះរទេះ ៥ ទល់ ៥ វគ្គជម្រុះ នាព្រឹកថ្ងៃទី៦ ខែមិថុនា ឆ្នាំ២០២៣ នៅពហុកីឡដ្ឋានជាតិមរតកតេជោ។

ជ័យជម្នះរបស់ក្រុមកីឡាការិនីបាល់បោះជិះរទេះកម្ពុជា បានកើតឡើងក្រោយពីកម្ពុជា ទើបតែត្រឡប់ពីការទទួលរងបរាជ័យទល់នឹងក្រុមកីឡាការិនីថៃ កាលពីប្រកួតដំបូងលើវិញ្ញាសាបាល់បោះជិះរទេះ ៥ ទល់ ៥ កាលពីថ្ងៃទី៥ ខែមិថុនាកន្លងទៅ។

ការប្រកួតបន្ទាប់ ក្រុមកីឡាការិនីបាល់បោះជិះរទេះកម្ពុជា នឹងជួបជាមួយក្រុមកីឡាការិនីបាល់បោះជិះរទេះឡាវ នៅថ្ងៃទី៦ មិថុនា វេលាម៉ោង ៧ យប់តទៅ នៅពហុកីឡដ្ឋានជាតិមរតកតេជោ។

ការប្រកួតវគ្គផ្ដាច់ព្រ័ត្រ ដណ្ដើមមេដាយសំរឹទ្ធ នឹងធ្វើឡើងនៅម៉ោង ៩:៣០ នាទីព្រឹក ថ្ងៃទី៧ ខែមិថុនា ខណៈការប្រកួតដណ្ដើមមេដាយមាស នឹងប្រព្រឹត្តទៅនៅម៉ោង ១២:៣០ នាទីរសៀល ថ្ងៃដដែល៕

អ្នកអាចចែករំលែកដោយ៖

អត្ថបទទាក់ទង