ផ្លឹស-ខេអេក ញូវ

ការប្រកួតវគ្គពាក់កណ្ដាលផ្ដាច់ព្រ័ត្រUEFA Nations Leagueផ្សាយបន្តផ្ទាល់នៅCTN និងហ្វេសប៊ុកផេកCBS Sportsយប់នេះ

កីឡា
June 14th, 2023 (1 year)
Views: 224
Share

រាត្រីនៃការប្រកួតវគ្គពាក់កណ្ដាលផ្ដាច់ព្រ័ត្រ ក្របខណ្ឌ UEFA Nations League នឹងឈានចូលមកដល់នៅវេលាម៉ោង ១:៣៥នាទីរំលងអធ្រាត្រយប់នេះ រវាងក្រុមជម្រើសជាតិហូឡង់ ប៉ះជាមួយនឹងក្រុមជម្រើសជាតិក្រូអាត ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN និងហ្វេសប៊ុកផេក CBS Sports តែមួយគត់។

ការប្រកួតរវាងក្រុមដែលមានចំណាត់ថ្នាក់លេខ៦ និងលេខ៧ ក្នុងចំណាត់ថ្នាក់របស់ FIFA នឹងធ្វើឡើងនៅកីឡដ្ឋាន Stadion Feijenoord ក្នុងទីក្រុង Rotterdam ប្រទេសហូឡង់ ដើម្បីស្វែងរកក្រុមមួយសម្រាប់វគ្គផ្ដាច់ព្រ័ត្រ Nations League ដែលអាចប៉ះជាមួយក្រុមអេស្ប៉ាញ ឬក្រុមអ៊ីតាលី។

ហូឡង់ បានយកឈ្នះក្នុងការប្រកួត ៥ ក្នុងចំណោម ៦ប្រកួត និងមិនទាន់ស្គាល់ពាក្យថាចាញ់ ក្នុងពូលរបស់ពួកគេឡើយ។ ជ័យជម្នះដ៏អស្ចារ្យបំផុតរបស់ពួកគេ គឺការយកឈ្នះទៅលើក្រុមបែលហ្ស៊ិកទាំងពីរជើង ក្នុងពូល។

ក្រុមពណ៌ទឹកក្រូចហូឡង់ ត្រូវជួបជាមួយក្រុមក្រូអាត ដែលបានស្មើ និងឈ្នះក្រុមបារាំង ក្នុងពូលរបស់ពួកគេ ដើម្បីធានាកៅអីរបស់ពួកគេនៅក្នុងវគ្គពាក់កណ្ដាលផ្ដាច់ព្រ័ត្រ Nations League ។

សូមបញ្ជាក់ថា ក្រូអាតជាក្រុមដែលបានឈានទៅវគ្គពាក់កណ្ដាលផ្ដាច់ព្រ័ត្រ ក្នុងព្រឹត្តិការណ៍ FIFA World Cup 2022 នៅពេលដែលពួកគេបានចាញ់ក្រុមអាហ្សង់ទីន។ ចំណែក ហូឡង់បានចាញ់អាហ្សង់ទីនផងដែរនៅវគ្គចាញ់ធ្លាក់ នៅក្នុងប្រទេសកាតា កាលពីខែធ្នូកន្លងទៅ៕

អត្ថបទទាក់ទង