ផ្លឹស-ខេអេក ញូវ

សិល្បករសិល្បការិនី និងបងប្អូនខ្មែរជាច្រើននាក់ឆ្លៀតចូលរួមកម្មវិធី “ទិវាពិភពលោកនៃអ្នកបរិច្ចាគឈាម” បើទោះជាមមាញឹកជាមួយការងារក៏ដោយ

សង្គម
June 15th, 2023 (3 years)
Views: 445
Share

ភ្នំពេញ៖ យោងតាមគណនីហ្វេសបុករបស់តារាសម្តែង នី មុន្នីនាថ បានចែករំលែករូបថតភ្ញៀវកិត្តិយសជាច្រើនបាននាំគ្នាចូលរួមក្នុងកម្មវិធីមនុស្សធម៌តាមរយៈការបរិច្ចាគឈាមក្រោមប្រធានបទ “ទិវាពិភពលោកនៃអ្នកបរិច្ចាគឈាម” កាលពីម្សិលមិញ។

ជាមួយនឹងការលើកស្ទួយការចូលរួមបរិច្ចាគឈាមដល់អ្នកជំងឺដែលត្រូវការឈាមជាច្រើននាក់ក្នុងមួយថ្ងៃទៅមួយថ្ងៃនៅក្នុងព្រះរាជាណាចក្រកម្ពុជានេះជាគំរូល្អមួយក្នុងការផ្សព្វផ្សាយដល់អ្នកដែលមានបំណងចង់ចូលរួមទាំងអស់គ្នា។

ក្រៅពីបងប្អូនខ្មែរជាច្រើននាក់ដែលបានចូលរួមជំរុញទឹកចិត្តក្នុងយុទ្ធនាការនេះហើយក្នុងនោះក៏មានវត្តមានសិល្បករ សិល្បការិនីល្បីៗដែលជាតារាចម្រៀង តារាសម្តែង និងតារាបណ្តាញសង្គមមានដូចជាលោកជី ដេវីត លោកអធិការ លោកព្រីន លោកប៉ែន ចំរុង កញ្ញារចនា រ៉ាវ៉ាឌី លោកអេឡិច ហ្សូរ៉ា ពូឈីវ និងតារាកិត្តិយសជាច្រើននាក់ទៀត។

គួរបញ្ជាក់ដែរថា តាមរយៈកម្មវិធីមួយនេះតារាសម្តែង នី មុន្នីនាថ ដែលជាប្រធានមូលនិធិឈាមបានបង្ហាញអារម្មណ៍រំភើបជាអនេកប្បការទៅដល់វត្តមានភ្ញៀវកិត្តិយសទាំងអស់ផងដែរ៕

អត្ថបទទាក់ទង