ផ្លឹស-ខេអេក ញូវ

CBSនឹងផ្សាយបន្តផ្ទាល់វគ្គជម្រុះពានរង្វាន់ Euro នៅរាត្រីនេះ

កីឡា
June 16th, 2023 (1 year)
Views: 199
Share

CBS នឹងធ្វើការផ្សាយបន្តផ្ទាល់ការប្រកួតរវាងក្រុមជម្រើសជាតិម៉ាល់តា និងក្រុមជម្រើសជាតិអង់គ្លេស ក្នុងពូល C វគ្គជម្រុះ UEFA European Qualifiers ចេញពីកីឡដ្ឋាន National Stadium ក្នុងទីក្រុង Ta’ Qali នៅលើកញ្ចក់ទូរទស្សន៍ CTN ហ្វេសប៊ុកផេក CBS Sports និង App “CBS Sports News” ចាប់ម៉ោង ១:៣៥ នាទីរំលងអធ្រាត្រ យប់នេះតទៅ។

CBS គឺជាម្ចាស់កម្មសិទ្ធិផ្ដាច់មុខសម្រាប់ការផ្សាយបន្តផ្ទាល់ការប្រកួតវគ្គជម្រុះ UEFA European Qualifiers នៅក្នុងប្រទេសកម្ពុជា។ យើងនឹងមានការផ្សាយបន្តផ្ទាល់ការប្រកួតចំនួន ៤ គូផ្សេងទៀត ចាប់ពីថ្ងៃទី១៧ រហូតដល់ថ្ងៃទី២១ ខែមិថុនា ឆ្នាំ២០២៣ ក្នុងនោះមានដូចជា៖

ន័រវែស Vs ស្កុតឡែន វេលាម៉ោង១០:៥០នាទីយប់ថ្ងៃទី១៧ ខែមិថុនា

ព័រទុយហ្គាល់ Vs បូស្នៀ វេលាម៉ោង០១:៣៥នាទីរំលងអធ្រាត្រ ថ្ងៃទី១៧ឈានចូល១៨ ខែមិថុនា

បារាំង Vs ក្រិក វេលាម៉ោង០១:៣៥នាទីរំលងអធ្រាត្រ ថ្ងៃទី១៩ឈានចូល២០ ខែមិថុនា

និង អេស្តូនី Vs បែលហ្ស៊ិក វេលាម៉ោង០១:៣៥នាទីរំលងអធ្រាត្រ ថ្ងៃទី២០ឈានចូល២១ ខែមិថុនា។

សម្រាប់យប់នេះ ក្រុមម្ចាស់ផ្ទះម៉ាល់តា ដែលមិនទាន់ស្គាល់ពាក្យថាឈ្នះក្នុង ២ប្រកួតកន្លងទៅក្រោយចាញ់ក្រុមអ៊ីតាលី និងក្រុមម៉ាសេដូនីខាងជើង នឹងស្វាគមន៍ក្រុមតោកំណាចអង់គ្លេស ដែលរកបាន ៦ពិន្ទុនៅពេលពួកគេបានយកឈ្នះក្រុមអ៊ុយក្រែន និងក្រុមអ៊ីតាលី កាលពីខែមីនា។

ក្រុមរបស់លោក Gareth Southgate បានឈរនៅចំណាត់ថ្នាក់លេខ១បណ្ដោះអាសន្ន ក្នុងពូលរបស់ពួកគេ។ ក្នុងការជួបគ្នា ៥ប្រកួតកន្លងទៅនៅគ្រប់កម្មវិធីប្រកួតទាំងអស់ អង់គ្លេសមិនទាន់ស្គាល់ពាក្យថាស្មើ ឬចាញ់ម៉ាល់តាម្ដងណាឡើយ។

ដូច្នេះជាថ្មីម្ដងទៀត សូមទស្សនិកជនកុំភ្លេចរង់ចាំទស្សនាការប្រកួតរវាងក្រុមទាំងពីរ នៅលើកញ្ចក់ទូរទស្សន៍ CTN ហ្វេសប៊ុកផេក CBS Sports និង App “CBS Sports News” ចាប់ម៉ោង ១:៣៥ នាទីរំលងអធ្រាត្រយប់នេះតទៅ៕

អត្ថបទទាក់ទង