ផ្លឹស-ខេអេក ញូវ

ក្រោយរឿងអាស្រូវគេចពន្ធបានស្ងប់ស្ងាត់ អ្នកគាំទ្រចាំផ្លូវ Deng Lun វិលចូលសិល្បៈវិញយ៉ាងអន្ទះសា

កម្សាន្ត
June 19th, 2023 (5 months)
153
Share

ចិន៖ រឿងអាស្រូវគេចពន្ធរបស់តារាសម្តែង Deng Lun បានធ្វើឱ្យការងារសិល្បៈរបស់លោកត្រូវផ្អាកជាបណ្តោះអាសន្ន ជាហេតុធ្វើឱ្យអ្នកគាំទ្រតារាប្រុសរូបនេះសោកស្តាយនូវប្រជាប្រិយភាពរបស់លោកដែលកំពុងស្ទុះឡើងខ្លាំង។

បន្ទាប់ពីផ្ទុះរឿងអាស្រូវពេលនោះមក Deng Lun បានស្ងប់ស្ងាត់ពីសិល្បៈទាំងស្រុង និងយូរៗម្តងលោកបានបង្ហាញខ្លួននៅទីសាធារណៈ ដោយទោះបីជាខំបិទបាំងមុខយ៉ាងណាក៏អ្នកគាំទ្រនៅតែមើលស្គាល់លោកដដែល។

រឿងអាស្រូវកាន់តែស្ងប់ស្ងាត់ទៅ ធ្វើឱ្យអារម្មណ៍ Deng Lun ក៏កាន់តែស្រស់ស្រាយផងដែរ ជាក់ស្តែងកាលពីពេលថ្មីៗនេះលោកបានចូលរួមក្នុងពិធីមង្គលមិត្តភក្តិដោយគ្រប់គ្នាចាប់អារម្មណ៍ថាក្រោយភ្លៀងមេឃស្រលះ។ ទោះជាយ៉ាងណាមិនមានដំណឹងជាក់លាក់ណាមួយបញ្ជាក់ថា តើលោកនឹងវិលត្រលប់ចូលសិល្បៈវិញ ឬ យ៉ាងណានោះទេ។

តាមមតិមួយចំនួនបានលើកឡើងថាលោកប្រាកដជាវិលចូលសិល្បៈវិញនាពេលខាងមុខខណៈមតិមួយចំនួនទៀតបានលើកឡើងថា លោកប្រហែលជាមិនវិលចូលសិល្បៈវិញឡើយដោយអាចរៀបការជាមួយមិត្តស្រីរបស់លោកដែលនាងជាអ្នកស្នងមរតកគ្រួសារដែលមានមុខជំនួញលក់គ្រឿងសង្ហារឹម ដូចនេះក្រោយរៀបការរួចលោកនឹងជួយមើលការខុសត្រូវលើមុខជំនួញនោះជាមួយមិត្តស្រីរបស់លោកមិនខាន៕

អត្ថបទទាក់ទង