ផ្លឹស-ខេអេក ញូវ

មូលហេតុ និងវិធីដោះស្រាយបញ្ហាក្រហាយទ្រូងអំឡុងពេលពពោះ

សុខភាព មាតា ទារក
June 21st, 2023 (6 months)
382
Share

ការពពោះ ជាបទពិសោធន៍ដ៏រំភើបរីករាយមួយរបស់ម៉ាក់ៗ ប៉ុន្តែនៅពេលជាមួយគ្នានេះ ស្ត្រីពពោះអាចប្រឈមនឹងបញ្ហាសុខភាពមួយចំនួន ដូចជាអាការក្រហាយទ្រូងជាដើម។ អារម្មណ៍ក្រហាយនៅទ្រូង និងបំពង់ក ធ្វើឱ្យម៉ាក់ៗមិនស្រួលក្នុងខ្លួន ជាពិសេសនៅពេលយប់ ឬក្រោយញ៉ាំអាហារ។ តើបញ្ហានេះកើតឡើងបណ្តាលមកពីអ្វី? ដោះស្រាយបែបណា?

មូលហេតុនៃការក្រហាយទ្រូងអំឡុងពេលពពោះ

១. ការប្រែប្រួលអ័រម៉ូន
ការកើនឡើងនៃកម្រិតអ័រម៉ូន ជាពិសេសអ័រម៉ូន progesterone អាចជំរុញឲ្យអាស៊ីដក្រពះច្រាលត្រឡប់ទៅកាន់បំពង់អាហារវិញ ដែលបញ្ហាឱ្យមានអាការក្រហាយទ្រូង។

២. សម្ពាធនៅលើក្រពះកើនឡើង
អំឡុងពេលពពោះ ស្បូនដែលកំពុងលូតលាស់បានដាក់សម្ពាធលើក្រពះ ដែលអាចរុញអាស៊ីដក្រពះទៅក្នុងបំពង់អាហារ។ សម្ពាធនេះ រួមចំណែកដល់ការវិវត្តនៃរោគសញ្ញាក្រហាយទ្រូង។

៣. របបអាហារ
អាហារ និងភេសជ្ជៈជាក់លាក់ អាចនាំឲ្យម៉ាក់ៗប្រឈមនឹងអាការក្រហាយទ្រូងអំឡុងពេលពពោះ ដែលអាហារទាំងនេះ រួមមានអាហារហឹរ ខ្លាញ់ច្រើន ឬអាហារចៀន ពពួកផ្លែក្រូច សូកូឡា កាហ្វេអ៊ីន ភេសជ្ជៈដែលមានជាតិហ្គាស។ល។

៤. ការប្រែប្រួលរូបរាងកាយ
ស្របពេលដែលទារកលូតលាស់ ស្បូនដែលរីកធំអាចរុញក្រពះឡើងទៅខាងលើ និងបង្កើនឱកាសនៃការច្រាល់អាស៊ីដ និងក្រហាយទ្រូង។

៥. ស្រ្តេស និងផ្លូវចិត្ត
ស្រ្តេស និងការថប់បារម្ភ អាចធ្វើឲ្យរោគសញ្ញាក្រហាយទ្រូងកាន់តែធ្ងន់ធ្ងរជាងមុន។ ជាក់ស្តែង ម៉ាក់ៗអាចមានការប្រែប្រួលអារម្មណ៍ និងកើនឡើងកម្រិតស្ត្រេសអំឡុងពេលពពោះ ដែលកត្តានេះរួមចំណែកដល់ការវិវត្តនៃអាការក្រហាយទ្រូង។
គន្លឹះជៀសវាងបញ្ហាក្រហាយទ្រូងអំឡុងពេលពពោះ

• ជៀសវាងអាហារដែលនាំឱ្យក្រហាយទ្រូង
• ទំពារអាហារយឺតៗ និងឱ្យម៉ត់ល្អ
• ជៀសវាងគេងភ្លាមៗក្រោយញ៉ាំអាហាររួច
• ស្លៀកសំលៀកបំពាក់រលុងៗ ជាពិសេសនៅបរិវេណពោះ
• ញ៉ាំទឹកឱ្យបានគ្រប់គ្រាន់
• គ្រប់គ្រងស្ត្រេសឱ្យបានល្អ តាមរយៈការធ្វើសកម្មភាពកំសាន្តផ្សេងៗ ហាត់ប្រាណបែបស្រាលៗ ឬធ្វើសមាធិ។ល។
• ក្នុងករណីដែលបញ្ហាក្រហាយទ្រូងមិនបាត់ទៅវិញ ឬកាន់តែធ្ងន់ធ្ងរ ម៉ាក់ៗគួរតែពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ៕

ប្រភព៖Hellokrupet

អត្ថបទទាក់ទង