ផ្លឹស-ខេអេក ញូវ

សហព័ន្ធបាល់ទះកម្ពុជា អបអរសាទរជ័យជម្នះរបស់ក្លិបវិសាខា ក្នុងការប្រកួតដំបូងនៃពានរង្វាន់ម៉ាឡេស៊ី

កីឡា
June 22nd, 2023 (1 year)
Views: 271
Share

សហព័ន្ធកីឡាបាល់ទះកម្ពុជា បានចូលរួមអបអរសាទរដល់ក្លិបបាល់ទះវិសាខា សម្រាប់ការទទួលបានជ័យជម្នះនៅក្នុងការប្រកួតដំបូងរបស់ខ្លួននៅថ្ងៃព្រហស្បតិ៍ ទី២២ ខែមិថុនា ឆ្នាំ២០២៣នេះ ក្នុងព្រឹត្តិការណ៍ JOHOR BAHRU MAYOR’S Cup នៅប្រទេសម៉ាឡេស៊ី។

ក្លិបបាល់ទះវិសាខា បានយកឈ្នះទៅលើក្រុម Wei Xu Johor Sukma ដោយលទ្ធផល ៣ សិតទល់ ០ ជាមួយនឹងពិន្ទុសិតទីមួយ ២៥ទល់១៥ សិតទីពីរ ២៥ទល់១៩ និងសិតទីបី ២៥ទល់១៥។

ក្លិបបាល់ទះតំណាងឱ្យកម្ពុជានេះ នឹងបន្តការប្រកួតទីពីររបស់ខ្លួន ទល់នឹងក្រុម WIN STREAK TAIWAN នៅថ្ងៃដដែល វេលាម៉ោង ៨យប់ រួចបន្តប៉ះក្រុម SARAWAK នៅថ្ងៃទី២៣ មិថុនា វេលាម៉ោង ៦ ល្ងាច។

ព្រឹត្តិការណ៍នេះ ត្រូវបែងចែកជា២ពូល ដោយវិសាខាស្ថិតនៅពូល A ដែលមាន ៤ក្រុម និងពូល B មានចំនួន ៣ក្រុម។ ការប្រកួតដំណើរការចាប់ពីថ្ងៃទី២២ រហូតដល់ថ្ងៃទី២៥ ខែមិថុនា៕

អត្ថបទទាក់ទង