ផ្លឹស-ខេអេក ញូវ

អត្តពលិកកម្ពុជា ម្ចាស់មេដាយគ្រប់កម្រិតនៅស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ទទួលប្រាក់រង្វាន់លើកទឹកចិត្តរបស់រាជរដ្ឋាភិបាលនៅថ្ងៃនេះ

កីឡា
June 27th, 2023 (3 years)
Views: 480
Share

អត្តពលិកជម្រើសជាតិកម្ពុជា ដែលបានឈ្នះមេដាយគ្រប់កម្រិត នៅក្នុងព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ បានទទួលប្រាក់រង្វាន់លើកទឹកចិត្តពីរាជរដ្ឋាភិបាលកម្ពុជា នៅទីស្ដីការក្រសួងការពារជាតិ នាថ្ងៃអង្គារ ទី២៧ ខែមិថុនានេះ។

កម្ពុជា ទទួលបានមេដាយសរុបចំនួន ២៨២ គ្រឿង ក្នុងនោះមេដាយមាស ៨១ គ្រឿង ប្រាក់ ៧៤ គ្រឿង និងសំរឹទ្ធ ១២៧ គ្រឿង សម្រាប់ព្រឹត្តិការណ៍ស៊ីហ្គេម លើកទី៣២។ ដោយឡែក ក្នុងព្រឹត្តិការណ៍អាស៊ានប៉ារ៉ាហ្គេមវិញ កម្ពុជាដណ្ដើមបានមេដាយសរុប ៧១ គ្រឿង ក្នុងនោះមាស ៩គ្រឿង ប្រាក់ ១៨គ្រឿង និងសំរឹទ្ធ ៤៤ គ្រឿង។

សូមជម្រាបថា ម្ចាស់ជ័យលាភីមេដាយមាស ១គ្រឿងទទួលបានប្រាក់រង្វាន់លើកទឹកចិត្តចំនួន ៤០លានរៀល ជ័យលាភីមេដាយប្រាក់ ១គ្រឿងទទួលបាន ៣០លានរៀល និងជ័យលាភីមេដាយសំរឹទ្ធ ១គ្រឿងទទួលបាន ១៦លានរៀល។ ពិធីប្រគល់ប្រាក់រង្វាន់លើកទឹកចិត្តរបស់រាជរដ្ឋាភិបាល ធ្វើឡើងក្រោមអធិបតីភាពសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២៕

អត្ថបទទាក់ទង