ផ្លឹស-ខេអេក ញូវ

ឆ្លងកាត់បញ្ហាព្យុះភ្លៀងឆ្អែតឆ្អន់ពេលនេះ Goo Hye Sun ត្រលប់មកមើលថែខ្លួនរហូតសម្រកបាន ២០គីឡូក្រាមត្រឹមរយៈពេល ១ឆ្នាំ

កម្សាន្ត
June 29th, 2023 (5 months)
206
Share

កូរ៉េខាងត្បូង៖ បន្ទាប់ពីបែកបាក់គ្រួសារហើយតារាសម្តែងស្រី Goo Hye Sun ថែមទាំងជាប់រឿងក្តីក្តាំងជាមួយផលិតកម្ម HB និងបានចាញ់ក្តីកាលពីថ្ងៃទី១៨ ខែមិថុនា ឆ្នាំ២០២៣។ បញ្ហាចម្រូងចម្រាសរហូតមានការប្តឹងផ្តល់នេះទាក់ទងទៅនឹង YouTube ដែល Goo Hye Sun និង ផលិតកម្ម HB បានបង្កើតឡើងរួមគ្នាប៉ុន្តែនាងមិនទទួលបានប្រាក់កម្រៃពីខាងផលិតកម្ម។

រំឭកទៅកាលពីឆ្នាំ២០២០ តារាស្រីរូបនេះបានស្នើសុំក្រុមហ៊ុនដើម្បីចែកប្រាក់ចំណេញ និងសិទ្ធរបស់វីដេអូដែលបានផុសនៅគណនី YouTube របស់ផលិតកម្ម HB ប៉ុន្តែទីបំផុតគ្រប់យ៉ាងត្រូវបានបញ្ចប់ក្រោមហេតុផលផលិតកម្ម HB ជាអ្នកវិនិយោគទៅលើ Youtube Channel ដោយតម្រូវឱ្យ Goo Hye Sun បង់ប្រាក់ឱ្យក្រុមហ៊ុនក្នុងទឹកប្រាក់ ៣៥លានវ៉ុនសម្រាប់ថ្លៃខូចខាត។

នៅថ្ងៃទី២០ ខែមិថុនា Goo Hye Sun បានចោទប្រកាន់ផលិតកម្ម HB ថាបានលួចប្រាក់កម្រៃរបស់នាង និងគំរាមកំហែងនាងកាលពី ១០ឆ្នាំ។ តារាស្រីរូបនេះបានបន្ថែមទៀតថា ដោយសារនាងជឿអតីតប្តីរបស់ខ្លួនទើបនាងយល់ព្រមបង្ហាញវត្តមានលើគណនី YouTube របស់ផលិតកម្ម HB ប៉ុន្តែខាងផលិតកម្មមិនបានផ្តល់ប្រាក់កម្រៃដល់នាងឡើយបើទោះជាមានអ្នកចូលទស្សនាជាង ១០លានដងក៏ដោយ។ Goo Hye Sun បានបញ្ជាក់ថា នាងនឹងតាមទាមទាររហូតដល់ទីបំផុត។

បន្ទាប់ពីចាញ់ក្តីហើយ Goo Hye Sun បានសម្រួលអារម្មណ៍ និងបែរមកមើលថែខ្លួនវិញដោយនាងបានឱ្យដឹងថា កន្លងមកមួយរយៈមុននាងឡើងគីឡូខ្លាំងដោយសារស្រ្តេសនឹងការងារខ្លាំងពេកទើបនាងគិតតែញ៉ាំ ប៉ុន្តែពេលនេះនាងខំប្រឹងហាត់ប្រាណដោយមានគ្រូបង្វឹកជួយបង្ហាត់បង្រៀន និងតមអាហារយ៉ាងតឹងរ៉ឺងបំផុត ពេលនេះនាងស្រកបាន ២០គីឡូក្រាមនៅសល់តែ ៤០គីឡូក្រាមប៉ុណ្ណោះបន្ទាប់ពីចំណាយពេល ១ឆ្នាំមកនេះ៕

អត្ថបទទាក់ទង