ផ្លឹស-ខេអេក ញូវ

ស្រលាញ់គ្នា ៤ឆ្នាំជាមួយគូស្នេហ៍ភេទដូចគ្នា ម៉ៃយ៉ា សម្រេចយកកូនកំពុងពពោះ ៧ខែ

កម្សាន្ត
July 3rd, 2023 (2 years)
Views: 19,320
Share

ភ្នំពេញ៖ ពិធីការិនីប្រចាំតន្ត្រីខារ៉ាបាវ របស់ស្ថានីយ៍ទូរទស្សន៍ CNC ដ៏ស្រស់សោភាកូនកាត់អាល្លឺម៉ង់ ម៉ៃយ៉ា បានធ្វើឱ្យអ្នកគាំទ្ររំភើបជំនួសជាមួយស្នេហាស្មោះស័គ្រ្មរវាងនាង និងគូស្នេហ៍ភេទដូចគ្នាដែលកាលពីម្សិលមិញនេះនាង និងគូស្នេហ៍បានបង្ហាញរូបភាពគ្រួសារផ្អែមល្ហែមខណៈនាងកំពុងពពោះកូនក្នុងផ្ទៃ ៧ខែ។

ម៉ៃយ៉ា បានសរសេរប្រយោគបែបនេះថា “កាដូ ៤ឆ្នាំស្រលាញ់គ្នាគឺកូនទន្សាយនៅក្នុងពោះម៉ាក់ៗនេះហើយ ៧ខែទាយមើលថាអូន ស្រី ឬ ប្រុស”។ រូបភាពដែលភ្ជាប់មកនូវប្រយោគទាំងនេះបានធ្វើឱ្យអ្នកគាំទ្រជាច្រើនចូលរួមអបអរសាទរដល់តារាស្រីរូបនេះជាច្រើនដោយពួកគេមានក្តីរំភើបចិត្តនូវសុភមង្គលក្នុងជីវិតគូរបស់នាងបើទោះជាស្រលាញ់ភេទដូចគ្នាក៏ដោយ។

គួរបញ្ជាក់ដែរថា ក្រៅពីអាជីពជាពិធីការិនីហើយ តារាស្រីរូបនេះមានទីផ្សារខ្ពស់ក្នុងការថតម៉ូតឱ្យសម្អាងការផងដែរ។ បើទោះជាពោះកាន់តែធំក៏ពិតមែន ប៉ុន្តែម៉ាក់ៗវ័យក្មេងរូបនេះនៅតែជះសម្រស់ស្អាតខ្លាំងជាហេតុធ្វើឱ្យអ្នកគាំទ្រនាំគ្នាលាន់មាត់សរសើរមិនដាច់ពីមាត់៕

អត្ថបទទាក់ទង