ផ្លឹស-ខេអេក ញូវ

ខ្សែបម្រើDominik SzoboszlaiចូលរួមជាមួយLiverpoolក្នុងកិច្ចព្រមព្រៀងតម្លៃ៦០លានផោន

កីឡា
July 3rd, 2023 (3 years)
Views: 531
Share

Liverpool បានចុះហត្ថលេខាជាមួយខ្សែបម្រើ Dominik Szoboszlai ពីក្លិបRB Leipzig នៃក្របខណ្ឌ Bundesliga ក្នុងតម្លៃ ៦០លានផោន ក្នុងកិច្ចសន្យារយៈពេល ៥ឆ្នាំ។

ក្រុមហង្សក្រហម បានអនុវត្តលក្ខខណ្ឌទិញផ្ដាច់របស់កីឡាករសញ្ជាតិហុងគ្រី។ Szoboszlai គឺជាខ្សែបម្រើទីពីរដែលបានចូលរួមជាមួយ Liverpool បន្ទាប់ពីការចុះហត្ថលេខាជាមួយខ្សែបម្រើអន្តរជាតិអាហ្សង់ទីន Alexis Mac Allister ពី Brighton ក្នុងតម្លៃ ៣៥ លានផោន។

Szoboszlai បានបង្ហាញខ្លួនចំនួន ៣១ ប្រកួតនៅក្របខណ្ឌ Bundesliga កាលពីរដូវកាលមុន ដោយស៊ុតបញ្ចូលទីបាន ៦ គ្រាប់ និងបញ្ជូនបាល់ឱ្យមិត្តរួមក្រុមស៊ុតសម្រេចបាន ៨ ដង។ រូបគេបានចុះហត្ថលេខាពីក្រុមអូទ្រីស Red Bull Salzburg ក្នុងខែមករាឆ្នាំ ២០២១ ហើយចាប់តាំងពីពេលនោះមករកបាន ២០គ្រាប់និងបានបញ្ជូនឱ្យមិត្តរួមក្រុមស៊ុតបានសម្រេច ២១ដង ក្នុងការបង្ហាញខ្លួន ៩១លើក។

លោក Jurgen Klopp គ្រូបង្វឹកក្រុមហង្សក្រហម កំពុងពង្រឹងតំបន់ខ្សែបម្រើរបស់គាត់ បន្ទាប់ពី James Milner, Naby Keita និង Alex Oxlade-Chamberlain ចាកចេញពីក្លិបនៅរដូវក្តៅនេះ៕

អត្ថបទទាក់ទង