ផ្លឹស-ខេអេក ញូវ

សម្ពាធក្នុងអារម្មណ៍ខ្លាំងពេកធ្វើឱ្យ Jennie ទប់ទឹកភ្នែកលែងជាប់ក្នុងការប្រគំតន្ត្រីនៅទីក្រុងឡុងដ៍

ព័ត៍មាន
July 10th, 2023 (3 years)
Views: 513
Share

កម្សាន្ត៖ ក្នុងចំណោមសមាជិក Blackpink ទាំង៤ Jennie គឺជាសមាជិកម្នាក់ដែលទទួលរងពាក្យរិះគន់ជាច្រើនពីបណ្តាអ្នកនិយមលេងបណ្តាញសង្គមដោយមតិភាគច្រើនបានរិះគន់ថាមិនចូលចិត្តត្រង់នាងសិចស៊ីជ្រុល និងរិះគន់ថានាងខ្ជិលមិនសូវសកម្មជាមួយការសម្តែងរាល់ពេលប្រគំតន្ត្រីម្តងៗ។

Jennie ត្រូវបានអ្នកនិយមលេងបណ្តាញសង្គមចាប់ចំណុចថា តែងមិនស្រួលខ្លួនរាល់ពេលឡើងសម្តែងជាហេតុធ្វើឱ្យពួកគេយល់ថា នាងខ្ជិលទើបធ្វើពុតមិនស្រួលខ្លួនបែបនេះ។ នៅមួយរយៈពេលចុងក្រោយនេះដែរ Jennie បានរងនូវព្យុះរិះគន់មិនសំចៃមាត់បន្ទាប់ពីបទចម្រៀង The Idol ត្រូវបានចែកចាយពេញបណ្តាញសង្គមជាហេតុធ្វើឱ្យតារាស្រីរូបនេះស្ងប់ស្ងាត់មួយរយៈផងដែរ។

ប៉ុន្តែជាមួយនឹងការប្រគំតន្ត្រី Tally នៅទីក្រុងឡុងដ៍ កាលពីពេលថ្មីៗនេះ អ្នកគាំទ្រចាប់អារម្មណ៍ឃើញ Jennie ស្រក់ទឹកភ្នែក ខណៈកំពុងសម្តែងលើឆាកដែលក្នុងបទចម្រៀងនោះមានឃ្លាមួយមានអត្ថន័យថា៖ “វាគឺជាជម្រើសរបស់ខ្ញុំ ហើយខ្ញុំក៏មិនបានទៅធ្វើឱ្យនរណាម្នាក់ឈឺចាប់ដែរ”។

មួយឃ្លាក្នុងបទចម្រៀងនេះត្រូវបានអ្នកគាំទ្ររបស់នាងយល់ថា ជាឃ្លាដែលចាក់ដោតខ្លាំងទើបធ្វើឱ្យប៉ះពាល់ដល់អារម្មណ៍របស់នាងរហូតទប់ទឹកភ្នែកមិនជាប់បែបនេះ៕

អត្ថបទទាក់ទង