ផ្លឹស-ខេអេក ញូវ

អត្តពលិកកម្ពុជា ៤រូបត្រៀមចេញទៅប្រកួតកីឡាប៉េតង់ពិភពលោក នៅប្រទេសបេនីន

កីឡា
July 18th, 2023 (3 years)
Views: 371
Share

សហព័ន្ធកីឡាប៊ូល និងប៉េតង់កម្ពុជា នឹងបញ្ជូនអត្តពលិកចំនួន ៤ រូបដើម្បីចេញទៅប្រកួតនៅក្នុងព្រឹត្តិការណ៍ជើងឯកពិភពលោកលើកទី៥០ ឆ្នាំ២០២៣ នៅរដ្ឋធានី Cotonou ប្រទេសបេនីន ក្នុងទ្វីបអាហ្វ្រិក ដែលប្រព្រឹត្តទៅចាប់ពីថ្ងៃទី៨ ដល់ ១៧ ខែកញ្ញា។

អត្តពលិកទាំង៤រូប រួមមានកីឡាករ ថោង ឈឿន និងកីឡាករ ស៊ីន វង់ ព្រមទាំងកីឡាការិនី អ៊ុក ស្រីមុំ និងកីឡាការិនី កឹម រតនា។ អ្នកទាំង៤ បានឆ្លងកាត់ការប្រកួតជ្រើសរើសជើងឯកថ្នាក់ជាតិ ដែលត្រូវបានរៀបចំដោយសហព័ន្ធកីឡាប៊ូល និងប៉េតង់កម្ពុជា នៅលើវិញ្ញាសា១ទល់១ ក្នុងរយៈពេល ៦០នាទី ដែលមានរយៈពេល២ថ្ងៃ កាលពីសប្ដាហ៍មុន។

ការចូលរួមក្នុងព្រឹត្តិការណ៍ជើងឯកពិភពលោកលើកទី៥០នេះ បន្ទាប់ពីប្រភេទកីឡាប៊ូល និងប៉េតង់ ទទួលបានមេដាយចំនួន ១០គ្រឿង ក្នុងនោះ មេដាយប្រាក់ ៦គ្រឿង និងសំរឹទ្ធ ៤គ្រឿង នៅក្នុងការប្រកួតកីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ កាលពីខែឧសភាកន្លងទៅ៕

អត្ថបទទាក់ទង