ផ្លឹស-ខេអេក ញូវ

ម្ចាស់បទ “នីកា” ពេលនេះបានជាប់រហ័សនាម “នំបុ័ងៗ” បន្ទាត់ពីបទមួយនេះត្រូវបានយកទៅ Remix

កម្សាន្ត
August 11th, 2023 (1 year)
Views: 270
Share

ភ្នំពេញ៖ គ្រប់ពេលវេលា គ្រប់ទីកន្លែង បទចម្រៀង “នីកា” តែងឭស្ទើរគ្រប់កន្លែងបន្ទាប់ពីបទមនោសញ្ចេតនាមួយនេះត្រូវបានយកទៅ Remix ជាមួយពាក្យ “នំបុ័ងៗ” ស្តាប់ទៅពិរោះលន្លង់លន្លោចផង និងគួរឱ្យអស់សំណើច រហូតធ្វើឱ្យបទមួយនេះផ្ទុះខ្លាំងនៅលើបណ្តាញសង្គមតិកតុក។

មិនត្រឹមតែប៉ុណ្ណោះ ពេលនេះបទចម្រៀង Remix បានធ្វើឱ្យលោកត្រូវជាប់រហ័សនាមថា “នំបុ័ងៗ” ទៀតផង។ យ៉ាងណាមិញ បទចម្រៀងដែលបង្កប់ទៅដោយអត្ថន័យស្នេហាជ្រាលជ្រៅដែលបុរសម្នាក់សហការជាមួយតារាចម្រៀង Den Suffer និពន្ធបទនេះឡើងសម្រាប់មនុស្សស្រីដែលខ្លួនស្រលាញ់បានក្លាយជាបទដែលគ្រប់គ្នាចាប់អារម្មណ៍ជាខ្លាំង។

ក្រោយបទចម្រៀង “នីកា” ផ្ទុះឡើងភ្លាមក៏មានអ្នកគាំទ្រជាច្រើនពិតជាចង់ឃើញ “នីកា” ពិតប្រាកដក្នុងបទចម្រៀងមួយនេះជាខ្លាំងផងដែរ។ ដើម្បីបំបាត់ចម្ងល់មួយនេះ Den Suffer បានធ្វើវីដេអូមួយដែលកំពុងធ្វើដំណើរទៅខេត្តព្រៃវែងដើម្បីច្រៀងបទ “នីកា” ជូនគូស្វាមីភរិយាដែលជាម្ចាស់សមីខ្លួនផ្ទាល់ឱ្យអ្នកគាំទ្របានឃើញដើម្បីឱ្យគ្រប់គ្នាអស់ចិត្តផងដែរ។

គួរបញ្ជាក់ដែរថា Den Suffer ដែលជាតារាចម្រៀងសម្លេងស្រទន់រូបនេះមិនត្រឹមតែល្បីខ្លាំងជាមួយបទ “នីកា” ប៉ុណ្ណោះទេ តែបទចម្រៀងជាច្រើនទៀតកន្លងមកជាច្រើនក៏ល្បីខ្លាំងគួរឱ្យសម្គាល់ផងដែរ ក្នុងនោះមានដូចជាបទ “កែវភ្នែក” រួមទាំងបទចម្រៀង Cover ជាច្រើនទាំងបទពីដើម និងសម័យផងដែរ៕

អត្ថបទទាក់ទង