ផ្លឹស-ខេអេក ញូវ

ប្រុងប្រយ័ត្នទាំងអស់គ្នា! អ្នករកស៊ីអនឡាញម្នាក់ប៊ិះរបូតប្រាក់ ១០០០ដុល្លារដោយសារទិន្នន័យក្លែងក្លាយនេះ

សង្គម
August 17th, 2023 (2 months)
191
Share

ភ្នំពេញ៖ កន្លងមក អ្នករកស៊ីអនឡាញជាច្រើននាក់មកហើយធ្លាប់ទទួលបានបទពិសោធនៃការក្លែងបន្លំទិន្នន័យវេរលុយចូលគណនីធនាគារបែបឌីជីថលពីអតិថិជនខិលខូចរហូតត្រូវខាតបង់ប្រាក់ទៅដោយងាយ។

ការក្លែងបន្លំក្រោមរូបភាពដែលជនខិលខូចប្រើកម្មវិធីកែទឹកប្រាក់ឱ្យដូចទៅនឹងតួលេខដែលខ្លួនបានចំណាយពិតជាទទួលបានប្រសិទ្ធភាពយកឥវ៉ាន់មកយ៉ាងងាយប្រសិនបើអ្នកទទួលប្រាក់មិនបានពិនិត្យឱ្យបានល្អិតល្អន់ទេនោះ។ ជាក់ស្តែង តាមរយៈគណនីហ្វេសប៊ុកមួយឈ្មោះ Yana Rosy បានចែករំលែកបទពិសោធរបស់ខ្លួនទៅដល់អ្នករកស៊ីតាមអនឡាញថា៖

“មានរឿងមួយប្រាប់បងប្អូនឱ្យប្រយ័ត្ន ថ្ងៃនេះមានជនបោកប្រាស់បញ្ជាទិញឥវ៉ាន់ខ្ញុំអស់ ១០០០ដុល្លារ ហើយពេលអ្នកដឹកទៅដល់វាទារយកឥវ៉ាន់មុនចាំបាញ់លុយតាមក្រោយ តែខ្ញុំមានអារម្មណ៍ថាដូចអត់សូវស្រួលក៏ផ្តាំអ្នកដឹកថា ខ្ញុំចាំមើលលុយចូលសិនទើបឱ្យឥវ៉ាន់ទៅគេ មានអីមួយសន្ទុះក្រោយមកវាបានបង្ហាញរូបទិន្នន័យបែបនេះ អ្នកទាំងអស់គ្នាជួយមើលថាមានខុសអីខ្លះអត់? សំខាន់ខ្ញុំបើកមើលគណនីធនាគារគឺអត់ឃើញលុយបាញ់ចូល ១០០០ដុល្លារទេ ម្នាក់ស្រីនេះគឺបោកយកឥវ៉ាន់ហើយអត់ឱ្យលុយយើងទេ។ FB account វាដើរបោកគេច្រើនណាស់បងប្អូនចំណាំទៅ”។

គួរបញ្ជាក់ថា បន្ទាប់ពីបានចែករំលែកបែបនេះហើយ ទើបដឹងថាគណនីខាងលើធ្លាប់ដើរបោកប្រាស់គេច្រើននាក់មកហើយ ដោយបញ្ជាទិញឥវ៉ាន់តាមអនឡាញអស់ទឹកប្រាក់មួយចំនួន និងបានកែទិន្នន័យទឹកប្រាក់ដែលបានវេរតាមធនាគារដើម្បីយកទំនិញពីអ្នកដឹកជញ្ជូនបានយ៉ាងងាយ។ ក្នុងការចែករំលែកនោះឃើញមានជនរងគ្រោះចូលរួមប្រាប់ពីបទពិសោធរបស់ខ្លួនដែលធ្លាប់ចាញ់បោកគណនីមួយនោះផងដែរ៕

អត្ថបទទាក់ទង