ផ្លឹស-ខេអេក ញូវ

លីវ ជីលី ឆេះដុំនឹងពាក្យគេថានាងជា “បវរកញ្ញានាំភ្លើង” ក្រោយនាងផុសប្រយោគទាំងនេះឡើង

កម្សាន្ត
August 21st, 2023 (3 months)
154
Share

ភ្នំពេញ៖ ការប្រកួតយ៉ាងស្វិតស្វាញនៃកម្មវិធីប្រកួត Miss Grand Cambodia 2023 ដែលទីបំផុតបានរកឃើញអ្នកគ្រងម្កុដហើយគឺបវរកញ្ញា ភឹម ស្រីណូ តំណាងភ្នំពេញ។ ជាមួយលទ្ធផលនេះបានធ្វើឱ្យមានការសាទរដល់បវរកញ្ញារូបនេះថាស័ក្តសមនឹងក្លាយជាម្ចាស់ម្កុដជាខ្លាំង ស្របពេលដែលមហាជនមួយចំនួនក៏មានការមិនពេញចិត្តផងដែរ។

ក្រលេកទៅមើលពីប្រជាប្រិយភាពវិញបវរកញ្ញា កុយ អេនណា តំណាងឱ្យខេត្តក្រចេះ និង អ៊ិន លក្ខណា តំណាងឱ្យខេត្តប៉ៃលិន ជាបវរកញ្ញាដែលមានសន្ទុះប្រជាប្រិយភាពខ្លាំង ជាហេតុធ្វើឱ្យគ្រប់គ្នារំពឹងខ្ពស់ថាក្នុងចំណោមអ្នកទាំង ២ប្រាកដជាមានម្នាក់ច្បាស់ជាគ្រងម្កុដ Miss Grand Cambodia 2023 មិនខាន។

ប៉ុន្តែអ្វីៗខុសពីការរំពឹងទុកដែលជាលទ្ធផល កុយ អេនណា បានជាប់ជាបវរកញ្ញាលំដាប់រងទៅ១ និង អ៊ិន លក្ខណា ជាប់ជាបវរកញ្ញាលំដាប់រងទី២។ ក្រោយប្រកាសលទ្ធផលរួច ងាកទៅមើលសិស្សច្បង លីវ ជីលី បានផុសចូលរួមសោកស្តាយដល់ អ៊ិន លក្ខណា មួយរំពេចនៅលើបណ្តាញសង្គមរហូតធ្វើឱ្យមានមតិយ៉ាងច្រើនចូលទៅ Comment ថានាងជាបវរកញ្ញានាំភ្លើង។

បន្ទាប់ពីផុសចូលរួមសោកស្តាយដល់ អ៊ិន លក្ខណា និងទទួលបានមតិរិះគន់ជាច្រើនហើយនោះ លីវ ជីលី ក៏បានផុសប្រយោគមួយទៀតចូលរួមអបអរដល់ម្ចាស់ម្កុដ Miss Grand Cambodia 2023 ផងដែរ។

បើទោះជាបានផុសបែបណាក៏ លីវ ជីលី ត្រូវបានមហាជនតាមរិះគន់ឥតឈប់ឈរលើការបញ្ចេញមតិរបស់នាងរហូតធ្វើឱ្យនាងទប់កំហឹងលែងជាប់ទើបធ្វើការ Live បង្ហាញអារម្មណ៍ខឹងសម្បារចំពោះអ្នកដែលថានាងជាបវរកញ្ញានាំភ្លើងនៅលើផេកហ្វេសបុករបស់នាងទៀតផង។ ចង់ដឹងសាច់រឿងយ៉ាងណាកាន់តែច្បាស់ តោះទៅទស្សនាវីដេអូទាំងអស់គ្នា៕

អត្ថបទទាក់ទង