ផ្លឹស-ខេអេក ញូវ

ក្រដាសប្រាក់ ១០០រៀលខ្មែរបង្ហាញវត្តមានក្នុងរឿងភាគខ្លីនារីសំណាង ជាំង សឺឈី នៅវគ្គ “I Guess you love me”

កម្សាន្ត
October 5th, 2023 (11 months)
Views: 890
Share

ចិន៖ ជាំង សឺឈី ដែលកំពុងផ្ទុះប្រជាប្រិយភាពខ្លាំងក្នុងរឿងភាគខ្លីរបស់ចិនដែលអ្នកគាំទ្របានដាក់រហ័សនាមឱ្យនាងថាជានារីសំណាងដោយសារក្នុងសាច់រឿង នាងគឺជានារីក្រីក្រម្នាក់ដែលមានអត្តចរិតពិសេសអាចទាក់ចិត្តតួប្រុសដែលមានទ្រព្យសម្បត្តិដ៏មហាសាលឱ្យលង់ស្រលាញ់នាងដោយគ្មានលក្ខខណ្ឌ។

ជាំង សឺឈី បានក្លាយជាតួអង្គម្នាក់ធ្វើឱ្យនារីៗដែលបានទស្សនាសាច់រឿងពីមួយភាគទៅមួយភាគរបស់នាងប្រាថ្នាចង់បានជីវិតដូចនាងជាខ្លាំង។ អ្វីដែលធ្វើឱ្យអ្នកគាំទ្ររឿងភាគខ្លីរបស់ ជាំង សឺឈី កំពុងផ្ទុះការចាប់អារម្មណ៍នូវភាគថ្មីដែលទើបចេញមានចំណងជើង “I Guess you love me” ភាគទី០៦ នៅនាទី ១:៣៣ ឃើញមានវត្តមានក្រដាសប្រាក់ ១០០រៀលខ្មែរនៅក្នុងភាគមួយនេះខណៈសាច់រឿង ជាំង សឺឈី បានធ្វើដំណើរទៅកម្សាន្តនៅបរទេស ក៏បានចូលហាងលក់គ្រឿងអលង្ការមួយកន្លែងរបស់ព្រះអង្គម្ចាស់នាប្រទេសនោះដែលជាមិត្តភក្តិរបស់នាង។

ពេលនោះនាងបានចាប់អារម្មណ៍លើខ្សែកមួយខ្សែ និងបានសួរតម្លៃអ្នកលក់ ដោយអ្នកលក់បានឆ្លើយប្រាប់ថាមានតម្លៃ ២លាន ប៉ុន្តែ ជាំង សឺឈី បែរជាយល់ច្រលំថាមានតម្លៃត្រឹម ២កាក់ទៅវិញ។ មិនបង្អង់យូរនាងក៏បានហុចក្រដាស់ប្រាក់ ១០០រៀលខ្មែរ ថែមទាំងប្រាប់ទៅអ្នកលក់វិញថានាងត្រូវការ ១០ខ្សែទៀតផង។ គួរបញ្ជាក់ដែរថា ភាពក្រមិចក្រមើមរបស់ ជាំង សឺឈី បានធ្វើឱ្យតារាស្រីវ័យក្មេងជំនាន់ក្រោយរូបនេះទទួលបានសន្ទុះប្រជាប្រិយភាពយ៉ាងឆាប់រហ័សទាំងក្នុង និងក្រៅប្រទេសផងដែរ។ ចង់ដឹងថា សាច់រឿងក្នុងរឿងភាគខ្លីដ៏ល្បីរបស់ ជាំង សឺឈី មានដំណើរបែបណា តោះទៅទស្សនាវីដេអូទាំងអស់គ្នា៕

អត្ថបទទាក់ទង