ផ្លឹស-ខេអេក ញូវ

ដឹងតែផ្ទុះសំណើចទៀតហើយ ហ៊ាទី និងនាយយ៉ាន នឹងមកអុកឡុកកម្មវិធី “តោះរៀនភាសា” រដូវកាលទី២

កម្សាន្ត
October 9th, 2023 (12 months)
Views: 617
Share

ភ្នំពេញ៖ ទស្សនិកជនដែលបានទស្សនាកម្មវិធី “តោះរៀនភាសា” ប្រាកដជាបានដឹងហើយថា កម្មវិធីមួយនេះមិនត្រឹមតែផ្តល់ទាំងចំណេះដឹងប៉ុណ្ណោះទេ ប៉ុន្តែក៏ជាកម្មវិធីមួយដែលតែងនាំមកនូវទស្សនីយភាពកំប្លែងៗមិនចេះរីងស្ងួតពីក្រុមសិស្សកំពូលកូររបស់លោកគ្រូសង្ហាមិនខានថា ពួកគេមានសមត្ថភាពប៉ុណ្ណាក្នុងការធ្វើឱ្យកម្មវិធីទាំងមូលពោរពេញដោយសំណើច។

យ៉ាងណាមិញ រដូវកាលទីមួយបានបញ្ចប់ហើយ រីឯរដូវកាលទីពីរ ក៏បានត្រៀមខ្លួនរួចជាស្រេចជាមួយនឹងតួអង្គថ្មីៗផងដែរ។ សម្រាប់រដូវកាលថ្មីនេះ ក៏មានវត្តមានតារាតិកតុកល្បីឈ្មោះ ហ៊ាទី ដែលលោកគឺជាបុគ្គលដ៏មានប្រជាប្រិយភាពមួយរូបលើបណ្តាញសង្គមនាពេលបច្ចុប្បន្ន បន្ទាប់ពីវីដេអូកំប្លែងខ្លីៗរបស់តារាតិកតុករូបនេះតែងធ្វើឱ្យអ្នកគាំទ្រផ្ទុះសំណើចតាមមិនចេះជិនណាយ។

ក្រៅពីនោះក៏មានវត្តមាន នាយយ៉ាន ជាជនបរទេសមួយរូបរស់នៅលើទឹកដីកម្ពុជាជាច្រើនឆ្នាំមកហើយ និងជាអតីតតារាកំប្លែងធ្លាប់សម្តែងនៅស្ថានីយទូរទស្សន៍ CTN នាពេលកន្លងមក ក៏នឹងបង្ហាញខ្លួនក្នុងកម្មវិធី “តោះរៀនភាសា” វគ្គ២នេះ និងបានត្រៀមខ្លួនរួចជាស្រេចក្នុងការធ្វើឱ្យទស្សនិកជនបានសើចសប្បាយ និងទទួលបានចំណេះដឹងភាសាផងដែរ។

ដូចនេះរង់ចាំទស្សនាទាំងអស់គ្នាថា ហ៊ាទី និងនាយយ៉ាន ព្រមទាំងតួអង្គក្នុងកម្មវិធី “តោះរៀនភាសា” វគ្គ២ នេះនឹងនាំអារម្មណ៍ទស្សនិកជនបានផ្ទុះសំណើចប៉ុណ្ណា កុំភ្លេចរង់ចាំទស្សនាទាំងអស់គ្នាចាប់ពីថ្ងៃអង្គារ ទី១០ ខែតុលា ស្អែកនេះវេលាម៉ោង ៨យប់តទៅនៅ MyTV តែមួយគត់៕

អត្ថបទទាក់ទង