ផ្លឹស-ខេអេក ញូវ

អ៊ីយ៉ា! កំពូលតារាបង្ហាញម៉ូត គង្ការ ត្រៀមបញ្ចេញស្នាដៃធ្វើម្ហូបក្នុងកម្មវិធី Chef Race By IZE នៅថ្ងៃសៅរ៍សប្ដាហ៍នេះ

កម្សាន្ត
October 12th, 2023 (12 months)
Views: 279
Share

ពិតជាភ្ញាក់ផ្អើលហើយនៅសប្ដាហ៍នេះ ទោះបីជាមមាញឹកនឹងការងារខ្លាំងប៉ុណ្ណា ក៏កំពូលតារាបង្ហាញម៉ូតនៅប្រទេសកម្ពុជារបស់យើង គឺ គង្ការ បានឆ្លៀតពេលដ៏មានតម្លៃដើម្បីចូលរួមក្នុងកម្មវិធីប្រកួតធ្វើម្ហូប Chef Race By IZE ផងដែរ។

ទស្សនិកជននឹងបានឃើញគាត់ នៅថ្ងៃទី១៤ ខែតុលា ឆ្នាំ២០២៣ វេលាម៉ោង ១១ព្រឹក ដល់ ១២ថ្ងៃត្រង់ នៅលើកញ្ចក់ទូរទស្សន៍ CTN និងហ្វេសប៊ុកផេក Chef Race By IZE ខណៈការប្រកួតដ៏រំភើបរវាងក្រុមចំនួន ៣ នឹងចាប់ផ្ដើមនៅសួនច្បារសុខា ដោយ គង្ការ បានចាប់ដៃគូជាមួយលោក មុន ប្រសើរ ដែលជាចុងភៅដែលមានទេពកោសល្យម្នាក់នៅក្នុងប្រទេសកម្ពុជា។

Chef Race By IZE គឺជាការប្រកួតធ្វើម្ហូបដែលបានធ្វើការចម្រាញ់យកចុងភៅអាជីព និងតារាកិត្តិយសល្បីៗ ឱ្យបង្ហាញពីជំនាញធ្វើម្ហូបនិងភាពច្នៃប្រឌិតរបស់ពួកគេ នៅលើមុខម្ហូប និងប្រើប្រាស់ថិរវេលាដែលត្រូវបានកំណត់យ៉ាងជាក់លាក់។ តំណាងឱ្យក្រុម Cambodia គង្ការ នឹងប្រកួតប្រជែងយ៉ាងស្វិតស្វាញជាមួយក្រុមចំនួន ២ ផ្សេងទៀតគឺ ក្រុម IZE ដែលមានវត្តមានរបស់លោក ជា លាងឆេ និងកញ្ញា ស៊ីណែត ព្រមទាំងក្រុម EXPREZ ដែលមានលោក តារា ឧសភា និងលោក ផា កូកាម៉ាប់ ដើម្បីដណ្ដើមយកជ័យលាភីនៅសប្ដាហ៍នេះ។

សូមរង់ចាំទស្សនាកម្មវិធី Chef Race By IZE នៅថ្ងៃទី១៤ ខែតុលា ដើម្បីធ្វើជាសាក្សីក្នុងការប្រកួតធ្វើម្ហូបរបស់ គង្ការ និងស្វែងរកថាតើក្រុម Cambodia អាចបន្តរក្សាការឈ្នះរបស់ពួកគេបានដែរឬទេ?

សូមរំឭកថា ឆ្លងកាត់ ៣ សប្ដាហ៍កន្លងទៅ ក្រុម Cambodia ទាំងអស់ បានដណ្ដើមជ័យជម្នះលើក្រុមគូប្រកួតរបស់ខ្លួន។ ដូច្នេះពួកយើងនៅតែរង់ចាំមើលថាតើនៅថ្ងៃសៅរ៍សប្ដាហ៍នេះចាប់ពីម៉ោង ១១ព្រឹកដល់១២ថ្ងៃត្រង់ ក្រុម IZE ឬក៏ក្រុម EXPREZ អាចបញ្ចប់កំណត់ត្រាមិនស្គាល់ពាក្យថាឈ្នះនេះបានដែរឬទេ? ដូច្នេះមានតែរង់ចាំតាមដានទាំងអស់គ្នា!

អត្ថបទទាក់ទង