ផ្លឹស-ខេអេក ញូវ

សម្បកក្រៅមើលទៅគ្រួសារ Will Smith មានសុភមង្គលណាស់ តែការពិតប្តីប្រពន្ធមួយនេះរស់នៅបែកគ្នា ៧ឆ្នាំហើយ

កម្សាន្ត
October 12th, 2023 (1 year)
Views: 279
Share

អាមេរិក៖ រំឮកទៅកាលពីឆ្នាំ ២០២២ ក្រោយតារាសម្តែង Will Smith បានទះតារាកំប្លែង Chris Rock នៅលើឆាកប្រគល់ពានរង្វាន់អូស្កាដោយសារតារាកំប្លែងរូបនេះបានយក Jada Pinkett Smith អត់សក់មកនិយាយលេងលើឆាក។

ទ្រាំមិនបាន Will Smith បានឡើងទៅទះតារាកំប្លែងរូបនេះនៅលើឆាកធ្វើឱ្យគ្រប់គ្នាមានការភ្ញាក់ផ្អើលជាខ្លាំងចំពោះទង្វើរបស់ Will កាលណោះ។ ក្រោយរងពាក្យរិះគន់ថាមិនស័ក្តសមជាតារាដែលទទួលបានពានរង្វាន់អូស្កា ទីបំផុតគ្រប់យ៉ាងត្រូវបានលាតត្រដាងដោយសារ Jada មានជំងឺជាប់ និងធ្វើឱ្យសក់របស់នាងជ្រុះខ្លាំងទើបនាងសម្រេចចិត្តកោរសក់បែបនេះ។

ទង្វើ ក៏ដូចជាក្តីស្រលាញ់ និងការការពារ Will បែបនេះហើយទើបមិនមាននរណាគិតដល់ឡើយថា ការពិតប្តីប្រពន្ធមួយគូនេះបានរស់នៅបែកគ្នារយៈពេល ៧ឆ្នាំមកហើយ ប៉ុន្តែមូលហេតុដែលធ្វើឱ្យអ្នកទាំង ២រក្សារឿងមួយនេះជាសម្ងាត់ដោយសារមិនទាន់ត្រៀមខ្លួនរួចរាល់ និងចង់ព្យាយាមផ្សះផ្សាទំនាក់ទំនងដែលបានសាងឡើងរួមគ្នារយៈពេល ២៦ឆ្នាំមកនេះ។

Jada បានសន្យាជាមួយ Will ថា ការរស់នៅបែកគ្នានេះមិនមែនបានន័យថាចែកផ្លូវគ្នាឡើយ ប៉ុន្តែនេះគ្រាន់តែចង់ផ្តល់សេរីភាពឱ្យគ្នាទៅវិញទៅមកប៉ុណ្ណោះ។ ទោះជាយ៉ាងណាតារាល្បីឈ្មោះទាំង ២នេះមិនបានបញ្ជាក់បញ្ហាដែលធ្វើឱ្យចំណងអាពាហ៍ពិពាហ៍មួយនេះមានការរង្គោះរង្គើឡើយ។ គួរបញ្ជាក់ដែរថា ដោយសារជារឿយៗ គ្រួសាររបស់ Will តែងចូលរួមក្នុងកម្មវិធីជុំគ្នាទើបធ្វើឱ្យគ្រប់គ្នាយល់ថា ពួកគេមានក្តីសុខពោរពេញដោយសុភមង្គលធម្មតា៕

អត្ថបទទាក់ទង