ផ្លឹស-ខេអេក ញូវ

អូយច្រណែនណាស់! Song Joongki កៀកប្រពន្ធមិនរបេះពេលចូលរួមកម្មវិធីមង្គលការប្អូនស្រី

កម្សាន្ត
October 17th, 2023 (3 years)
Views: 639
Share

កូរ៉េខាងត្បូង៖ តារាសម្តែងល្បីឈ្មោះកូរ៉េ Song Joongki បានក្លាយជាពោះម៉ាយបន្ទាប់ពីលោក និង Song Hye Kyo សម្រេចបញ្ចប់ចំណងអាពាហ៍ពិពាហ៍នឹងគ្នាជាផ្លូវការ។ កន្លងទៅរយៈពេល ៤ឆ្នាំ Song Joongki បានចាប់ផ្តើមគ្រួសារថ្មីជាមួយនឹងអតីតតារាសម្តែង Katy Louise Saunder កាលពីដើមឆ្នាំ២០២៣ ដោយអ្នកទាំង ២ទទួលបានកូនប្រុសម្នាក់កាលពីអំឡុងខែ មិថុនា ផងដែរ។

សំងំសាងគ្រួសារដ៏មានសុភមង្គលជាមួយគ្នាអស់មួយរយៈ ពេលនេះ Song Joongki និង Katy កំពុងទទួលបានការចាប់អារម្មណ៍ខ្លាំងបន្ទាប់ពីអ្នកទាំង ២បណ្តើរគ្នាចូលរួមក្នុងពិធីមង្គលការរបស់ប្អូនស្រីតារាប្រុសត្រកូល Song ធ្វើឱ្យគ្រប់គ្នាក្រលេកមើលពីភាពស័ក្តសមគ្នារវាងគូស្នេហ៍មួយនេះគ្រប់គ្នាតែម្តង។

អ្វីដែលកាន់តែគួរឱ្យចាប់អារម្មណ៍ជាងនេះទៅទៀតនោះគឺបើទោះជាក្នុងកម្មវិធីតែមួយយ៉ាងណាក៏ដោយ ប៉ុន្តែ Song Joongki នៅកៀកភរិយារបស់ខ្លួនជាប់ដូចរលកញីឈ្មោល មិនឃ្លាតពីគ្នាសូម្បីមូយជំហាន។ មិនត្រឹមតែប៉ុណ្ណោះ ក្រសែភ្នែកដែល Song Joongki សម្លឹងមើលទៅភរិយាកំពុងក្លាយជាទីចាប់អារម្មណ៍ពីសំណាក់មហាជនដែលទីបំផុតតួឯកប្រុសក្នុងរឿង “ម្ចាស់ព្រះអាទិត្យ” រូបនេះរកឃើញសុភមង្គលរបស់ខ្លួនពិតប្រាកដហើយ៕

អត្ថបទទាក់ទង