G-Dragon កំពុងស្ថិតក្រោមការស៊ើបអង្កេតពាក់ព័ន្ធករណីប្រើប្រាស់គ្រឿង ញៀន

• កម្សាន្ត
• October 26th, 2023 (11 months)
• Views: 213
• Share

កូរ៉េខាងត្បូង៖ ថ្មីៗនេះព័ត៌មានកំពុងផ្ទុះឡើងខ្លាំងពាក់ព័ន្ធនឹងតារាចំរៀង G-Dragon ប្រើប្រាស់គ្រឿងញៀនកំពុងធ្វើឱ្យអ្នកគាំទ្រតារាប្រុសវ័យ ៣៥ឆ្នាំរូបនេះអន្ទះសាចង់ដឹងការពិតជាខ្លាំង។ យោងតាមសារព័ត៌មាន allkpop បានចុះផ្សាយថា ជនសង្ស័យ ៥នាក់កំពុងស្ថិតក្រោមការស៊ើបអង្កេតយ៉ាងដិតដល់ក្នុងនោះ ៤នាក់ជាអ្នកប្រើប្រាស់ និងម្នាក់ទៀតជាអ្នកផ្គត់ផ្គង់។

ករណីនេះត្រូវបានរាយការណ៍មកថា អ្នកផ្គត់ផ្គង់បានចែកចាយទៅដល់អ្នកប្រើប្រាស់លំដាប់ខ្ពស់លក្ខណៈភ្ញៀវពិសេសដែលត្រូវបានជួញដូរឱ្យនៅពេលយប់ ក្នុងនោះតារាប្រុស Lee Sun Gyun ត្រូវបានដឹងថាជាអតិថិជនប្រចាំផងដែរ។ ក្រោយព័ត៌មាននេះផ្ទុះឡើង អ្នកនិយមលេងបណ្តាញសង្គមបានក្រលេកទៅចាប់អារម្មណ៍អាការរបស់ G-Dragon ដែលបានបង្ហាញខ្លួននៅព្រលានយន្តហោះកាលពីអំឡុងខែ ឧសភា កន្លងទៅឃើញតារាប្រុសរូបនេះហាក់មានកាយវិការខុសប្រក្រតី ជាហេតុធ្វើឱ្យមហាជនប៉ាន់ស្មានថា ដោយសារថ្នាំញៀនធ្វើទុក្ខទើបធ្វើឱ្យ G-Dragon នៅមិនស្ងៀមបែបនេះ។

គួរបញ្ជាក់ដែរថា ពាក់ព័ន្ធករណីថ្នាំញៀននេះដែរ ក្រៅពី Lee Sun Gyun និង G-Dragon ហើយក៏នៅមានតារាឯទៀតដែលប៉ូលិស Incheon កំពុងធ្វើការស៊ើបអង្កេតយ៉ាងតឹងរ៉ឹងផងដែរ៕