ព័ត៌មានថ្មី
- ត្រៀមខ្លួនសម្រាប់ភាពជក់ចិត្ត! វិញ្ញាសា Junior MasterChef Cambodia រដូវកាលទី ១ ដែលពុំនឹកស្មានដល់
- វេជ្ជឌី នាំរសជាតិ BBQ មកបង្កើនអារម្មណ៍ Chill ក្នុងកម្មវិធី Cook & Chill ថ្ងៃអាទិត្យសប្ដាហ៍នេះ!
- CBS នឹងតំណាងឱ្យកម្ពុជានៅក្នុងកិច្ចប្រជុំកំពូលបច្ចេកវិទ្យាដ៏សំខាន់របស់អាស៊ី នៅប្រទេសសិង្ហបុរី
- Cook & Chill សប្ដាហ៍នេះ កាន់តែប្លែក! ជាមួយលោក ឡុង សំរិទ្ធិ នាំរសជាតិខ្មែរដ៏សែនឆ្ងាញ់មកដល់ “ភូមិខ្មែរអ្នកធ្វើ” នៅផ្សារទំនើបជីបម៉ុង ២៧១ មេហ្គាម៉ល🍃🔥
- អបអរសាទរផលិតផលក្រោមក្រុមហ៊ុន ខ្មែរ ប៊ែវើរីជីស ទទួលបានមេដាយមាសសរុប ៥៥ គ្រឿង ច្រើនជាងគេបង្អស់នៅកម្ពុជា ពីស្ថាប័នអន្តរជាតិ
ម្ចាស់ជ័យលាភីចុងភៅឯក MasterChef រដូវកាលទី១និងទី២ផ្ដល់ចំណាប់អារម្មណ៍ពីការវិលត្រឡប់របស់កម្មវិធី
- MasterChef Cambodia
- December 20th, 2023 (2 years)
ការវិលត្រឡប់មកវិញរបស់កម្មវិធីប្រកួតធ្វើម្ហូបលំដាប់ពិភពលោក MasterChef Cambodia បានធ្វើឱ្យប្រិយមិត្តមានការអន្ទះសានៅមិនសុខបក់មិនល្ហើយដោយចង់ដឹងពីកាលបរិច្ឆេទនៃការចាក់ផ្សាយជាផ្លូវការ ខណៈអ្នកគាំទ្រដ៏ស្មោះស្ម័គ្ររបស់កម្មវិធីជាច្រើន បាននាំគ្នាចែករំលែកនូវ Trailer ទីមួយរបស់ MasterChef Cambodia រដូវកាលទី៣ ដែលបានចេញផ្សាយនៅលើផេកហ្វេសប៊ុកផ្លូវការរបស់ខ្លួន។
នៅក្នុងចំណោមមហាជនដែលបង្ហាញពីការត្រេកអរចំពោះការវិលត្រឡប់មួយនេះ យើងសង្កេតឃើញវត្តមានរបស់ម្ចាស់ពានរង្វាន់ចុងភៅឯក MasterChef កាលពីរដូវកាលទី១ និងរដូវកាលទី២ ក៏បានចូលរួមចែករំលែកនូវដំណឹងដ៏ល្អមួយនេះទៅកាន់អ្នកតាមដានរបស់ពួកគាត់នៅលើបណ្ដាញសង្គមផងដែរ។
លោក យូ ថនដារ៉ា ម្ចាស់ពានរង្វាន់ MasterChef រដូវកាលទី១ បានរំឭកពីអនុស្សារីយ៍ដែលពុំអាចបំភ្លេចបាន កាលពីរូបលោកបានចូលរួមប្រកួតនៅក្នុងកម្មវិធីលំដាប់ពិភពលោកមួយនេះ។
លោក ដារ៉ា បានបង្ហាញចំណាប់អារម្មណ៍ថា៖ “អនុស្សាវរីយ៍ដែលមិនអាចបំភ្លេចបាន MasterChef រដូវកាលទី១ ហើយ MasterChef Cambodia រដូវកាលទី៣ ជិតចាប់ផ្ដើមហើយ…!!!”។
ក្រឡេកទៅម្ចាស់ជ័យលាភីរដូវកាលទី២វិញ គឺកញ្ញា ប៉ិច ស្រីណុច បានបង្ហាញក្ដីរំភើបចំពោះកម្មវិធី MasterChef Cambodia រដូវកាលទី៣ ដោយមានបំណងបង្ហាញបទពិសោធរបស់កញ្ញាក្នុងការចូលរួមប្រកួតកម្មវិធីដ៏ធំមួយនេះទៅកាន់បងប្អូនដែលមានបំណងដាក់ពាក្យប្រកួតប្រជែង។
កញ្ញា ស្រី ណុច បានឱ្យដឹងថា៖ “Master Chef ជិតវិលត្រលប់មកវិញហើយ តើមានអ្នកចាប់អារម្មណ៍ចូលរួមប្រកួតទេ? ថ្ងៃណាមួយខ្ញុំនឹងឡាយចែករំលែក អំពីបទពិសោធ របស់ខ្ញុំក្នុងការប្រកួត ខ្ញុំសង្ឃឹមថា ការចែករំលែកមួយនេះអាចជាប្រយោជន៍ដល់អ្នក ដែលមានបំណងចង់ក្លាយជាបេក្ខភាព ក្នុងកម្មវិធីធ្វើម្ហូបលំដាប់ពិភពលោកមួយនេះ”។
កម្មវិធី MasterChef Cambodia រដូវកាលទី៣ នឹងវិលត្រឡប់មកកាន់ស្ថានីយទូរទស្សន៍ CTN នៅដើមឆ្នាំ២០២៤ខាងមុខនេះ។ ដូច្នេះនៅមិនយូរទៀតទេ ប្រិយមិត្តនៅក្នុងប្រទេសកម្ពុជា នឹងអាចទស្សនាកម្មវិធីដ៏ជក់ចិត្តនេះសាជាថ្មី!
អត្ថបទទាក់ទង
