ផ្លឹស-ខេអេក ញូវ

រួសរាន់ឡើង! អ្នកស្រឡាញ់ការចម្អិនក្នុងខេត្តបន្ទាយមានជ័យ អាចដាក់ពាក្យជាមួយ MasterChef Cambodia រដូវកាលទី៣នៅចុងសប្ដាហ៍នេះ

MasterChef Cambodia
January 10th, 2024 (3 years)
Views: 393
Share

តើអ្នកមានមុខម្ហូបអ្វីដើម្បីយកមកបញ្ចុះបញ្ចូលឱ្យគណៈកម្មការព្រមទទួលយកអ្នកជាបេក្ខជនម្នាក់របស់កម្មវិធី MasterChef Cambodia រដូវកាលទី៣? នៅចុងសប្ដាហ៍នេះ ក្រុមការងារ MasterChef Cambodia នឹងធ្វើដំណើរទៅដល់ភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ដើម្បីទទួលពាក្យរបស់បេក្ខជនដែលស្រឡាញ់ការចម្អិន និងមានបំណងចង់ក្លាយជាកំពូលចុងភៅឯករបស់កម្មវិធីលំដាប់ថ្នាក់ពិភពលោកមួយនេះ។

បេក្ខជន គ្រាន់តែយកម្ហូបមួយចានដែលបានចម្អិនដោយផ្ទាល់ដៃ រួចយកមកកន្លែងដាក់ពាក្យ ដើម្បីឱ្យគណៈកម្មការដែលមានជំនាញ និងបទពិសោធលើវិស័យម្ហូបអាហារ ធ្វើការវិនិច្ឆ័យ។ ចំពោះទីតាំងទទួលពាក្យគឺ ស្ថិតនៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ហួសសាលាសង្កាត់ផ្សារកណ្ដាលចម្ងាយ ៣០០ម៉ែត្រ។ ការទទួលពាក្យចាប់ផ្ដើមពីម៉ោង ៨ ព្រឹកតទៅ នៅថ្ងៃទី១៣-១៤ ខែមករា ឆ្នាំ២០២៤។

សូមជម្រាបថា នេះគឺជាលើកទី២ហើយ ដែលក្រុមការងារ MasterChef Cambodia ចុះទៅដល់ទីតាំងផ្ទាល់នៅក្នុងយុទ្ធនាការទទួលពាក្យរបស់បេក្ខជននៅតាមបណ្ដារាជធានីខេត្តទាំង ៧ រួមមាន ខេត្តបាត់ដំបង ខេត្តបន្ទាយមានជ័យ ខេត្តកំពត ខេត្តព្រះសីហនុ ខេត្តសៀមរាប ខេត្តកំពង់ចាម និងរាជធានីភ្នំពេញ។

កាលពីសប្ដាហ៍មុន ក្រុមការងារ MasterChef Cambodia បានទទួលពាក្យរបស់បេក្ខជនជាច្រើននៅខេត្តបាត់ដំបង អំឡុងពេលនៃការទទួលពាក្យរយៈពេល ២ ថ្ងៃ។

ដូច្នេះ បេក្ខជនខេត្តបាត់ដំបងដែលខកខានមិនទាន់ដាក់ពាក្យ ឬបេក្ខជននៅខេត្តដែលនៅជាប់ខេត្តបន្ទាយមានជ័យ អាចអញ្ជើញមកដាក់ពាក្យនៅថ្ងៃទី១៣-១៤ ខែមករា ឆ្នាំ២០២៤ នៅទីតាំង ភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត (ហួសសាលាសង្កាត់ផ្សារកណ្ដាលចម្ងាយ ៣០០ម៉ែត្រ) បាន។ កុំឱ្យឱកាសដ៏អស្ចារ្យនេះរំលងផុតទៅឱ្យសោះ!

អត្ថបទទាក់ទង