ផ្លឹស-ខេអេក ញូវ

ស្ងាត់ៗអតីតបេក្ខជន MasterChef Cambodia ថតជាមួយ ពេជ្រវត្តី សារ៉ាវឌ្ឍី ក្នុងកម្មវិធីរបស់ CTN

MasterChef Cambodia
January 19th, 2024 (2 years)
Views: 515
Share

ហ្វេនៗរបស់ ពេជ្រវត្តី សារ៉ាវឌ្ឍី កំពុងឈូឆរអន្ទះសាដើម្បីចង់ជួបជាមួយអាដលរបស់ពួកគាត់ បន្ទាប់ពីអតីតបវរកញ្ញា Miss Grand រូបនេះ បានថតរូបជាមួយអតីតបេក្ខជន MasterChef Cambodia លោក ចាន់រ៉ា នៅថ្ងៃទី១៩ ខែមករា ឆ្នាំ២០២៤នេះ។

បើតាមការបង្ហោះរបស់ Chef ចាន់រ៉ា ដែលធ្លាប់ប្រកួតនៅក្នុង MasterChef រដូវកាលទី២ និងតែងតែចែករំលែកពីបទពិសោធល្អៗពីការចូលរួមកម្មវិធីប្រកួតធ្វើម្ហូបលំដាប់ថ្នាក់ពិភពលោកនេះ ឃើញថា លោកនិងពេជ្រវត្តី កំពុងស្ថិតនៅទីតាំង WB Arena នៅចាក់អង្រែ ដើម្បីចូលរួមថតឱ្យកម្មវិធីប្រកួតធ្វើម្ហូបដ៏ពេញនិយមរបស់ស្ថានីយទូរទស្សន៍ CTN ។ ដូច្នេះ ហ្វេនៗមិនត្រឹមតែអាចចូលរួមទស្សនាការប្រកួតធ្វើម្ហូបប៉ុណ្ណោះទេ ប៉ុន្តែថែមទាំងអាចភ្លក់រសជាតិមុខម្ហូបដែលធ្វើដោយដៃរបស់ ពេជ្រវត្តី និង Chef ចាន់រ៉ា ទៀតផង។

ស្ថានីយទូរទស្សន៍ CTN តែងតែពាំនាំនូវតារាកិត្តិយសល្បីៗប្រចាំប្រទេសកម្ពុជា ឱ្យចូលរួមនៅក្នុងកម្មវិធីប្រកួតធ្វើម្ហូបរបស់ខ្លួន ជាក់ស្ដែងដូចជាកម្មវិធី Chef Race by IZE តែម្ដង។ លើសពីនេះ CTN ក៏ត្រៀមចាក់ផ្សាយកម្មវិធីប្រកួតធ្វើម្ហូបលំដាប់ថ្នាក់ពិភពលោក MasterChef Cambodia រដូវកាលទី៣ ដែលកំពុងចាប់ផ្ដើមទទួលពាក្យរបស់បេក្ខជននៅតាមបណ្ដាខេត្តនានា ក្នុងពេលឆាប់ៗខាងមុខនេះផងដែរ។

ក្រុមការងារ MasterChef Cambodia នឹងចុះទៅដល់ខេត្តកំពត នៅថ្ងៃទី២០-២១ ខែមករានេះ ដើម្បីទទួលពាក្យរបស់បេក្ខជនដែលមានបំណងដាក់ពាក្យ ដោយគ្រាន់តែយកម្ហូបមួយចានដែលចម្អិនដោយផ្ទាល់ដៃ មកកាន់ស្ដង់របស់ក្រុមការងារ MasterChef នៅមាត់ព្រែកកំពត ជាប់ស្ដាបាក់កាហ្វេ ចាប់ពីម៉ោង ៨ព្រឹកតទៅ។ សម្រាប់ព័ត៌មានលម្អិត អាចចូលទៅកាន់ទំព័រហ្វេសប៊ុកផ្លូវការរបស់ MasterChef Cambodia ។

ហ្វេសប៊ុកផ្លូវការ MasterChef Cambodia ៖ https://www.facebook.com/MasterChefCambodiaCTN៕

អត្ថបទទាក់ទង