ផ្លឹស-ខេអេក ញូវ

ស្ពានអាកាសចំណុចប្រសព្វក្បាលថ្នល់ ជិតបើកឱ្យប្រើប្រាស់ហើយ

សង្គម
January 29th, 2024 (2 years)
Views: 505
Share

ស្ពានអាកាសមរតតេជោ ដែលមានទីតាំងនៅចំណុចប្រសព្វក្បាលថ្នល់ បានឈានដល់ការតភ្ជាប់តំណរស្ពាន ដំណាក់កាលទី១ ហើយដែលគ្រោងនឹងដាក់ឱ្យប្រើប្រាស់ជាផ្លូវការ ក្នុងរយៈពេល ៧៤ថ្ងៃខាងមុខ។

បើតាមលោក ឃួង ស្រេង អភិបាលរាជធានីភ្នំពេញ បានឱ្យដឹងថា ស្ពានអាកាសព្រះមុនីវង្សថ្មី ត្រូវបានប្តូរឈ្មោះ មកជាស្ពានអាកាសមរតកតេជោវិញ។ ស្ពាននេះ ក្នុងដំណាក់កាលទី១ ការសាងសង់ស្ពានអាកាសមរតកតេជោ ( ស្ពានអាកាសជាន់ទី២) បច្ចុប្បន្ន សាងសង់ បានសម្រេចប្រមាណ ៨០% ហើយតាមផែនការ គ្រោងនឹងត្រូវបញ្ចប់ នៅចុងខែមីនា ឆ្នាំ២០២៤ ខាងមុខនេះ។

សូមបញ្ជាក់ថា ក្រោយបញ្ចប់ និងដាក់ឱ្យប្រើប្រាស់ដំណាក់កាលទី១រួចរាល់ ដំណាក់កាលទី២ គ្រោង នឹងបញ្ចប់មុនចូលឆ្នាំថ្មីប្រពៃណីជាតិខ្មែរ ឆ្នាំ២០២៥។ ស្ពានអាកាសមរតកតេជោ ជាស្ពានអាកាសទី៨ នៅក្នុងរាជធានីភ្នំពេញ។

ស្ពានអាកាសនេះ សាងសង់ដោយក្រុមហ៊ុនវិនិយោគទុនអាណិកជនកម្ពុជា (OCIC) ដែលគ្រោងចំណាយថវិកាជាង ៣៦លានដុល្លារ និងចំណាយពេលវេលាសាងសង់ ៣៦ខែ៕

អត្ថបទទាក់ទង