ផ្លឹស-ខេអេក ញូវ

សប្ដាហ៍នេះ ម៉ូយៗនៅក្នុងកម្មវិធី Chef Race by IZE ដឹងតែជាប់អន្ទាក់របស់តារាកិត្តិយសហើយព្រោះសុទ្ធតែតារាវ័យក្មេង សំឡេងពីរោះ

កម្សាន្ត
February 22nd, 2024 (10 months)
Views: 188
Share

នៅក្នុងសប្ដាហ៍នេះពិតជាពិសេសអស្ចារ្យមែនទែន ដោយសារវត្តមានរបស់តារាកិត្តិយសទាំងបីរូប សុទ្ធតែជាតារាចម្រៀងពន្លកថ្មី ដែលមានទាំងសម្រស់ និងវេហាសព្ទ ដើម្បីធ្វើឱ្យបរិយាកាសនៃកម្មវិធីប្រកួតធ្វើម្ហូប Chef Race by IZE របស់ស្ថានីយទូរទស្សន៍ CTN កាន់តែសប្បាយរីករាយជាមួយរសជាតិថ្មីប្លែកពីមួយវគ្គទៅមួយវគ្គ។

នៅព្រឹកថ្ងៃសៅរ៍សប្ដាហ៍នេះ ប្រិយមិត្តនឹងបានជួបជាមួយតារាកិត្តិយសវ័យក្មេងរួមមាន លោក នាង សម្បត្តិ លោក សួន សុវណ្ណចន្នី និង កញ្ញា សុខ សារ៉ាវីតា ដែលពួកគាត់នឹងត្រូវចូលខ្លួនមកកាន់កម្មវិធី Chef Race by IZE ដើម្បីសាកល្បងថ្វីដៃគ្នាក្នុងការចម្អិនម្ហូប នៅក្នុងផ្ទះបាយចល័តទាំងបីរបស់ក្រុម CAMBODIA, IZE និងក្រុម EXPREZ ។

ក្នុងសប្ដាហ៍ទី២៣នេះ លោក សម្បត្តិ នឹងត្រូវសហការជាមួយ Chef ហេង កុសល នៅក្នុងក្រុម CAMBODIA ដើម្បីប្រកួតជាមួយក្រុមរបស់ស្រីស្អាត សារ៉ាវីតា ជាមួយ Chef យឹម ផានីន នៅក្នុងក្រុម IZE និងក្រុមរបស់លោក សុវណ្ណចន្នី ជាមួយ Chef ញៀន ចំរ៉ុង ដែលស្ថិតនៅក្នុងក្រុម EXPREZ ។

ប្រិយមិត្តដឹងស្រាប់ហើយថា តារាកិត្តិយសទាំងបីរូប សុទ្ធតែជាតារាចម្រៀងដែលកំពុងទទួលបានប្រជាប្រិយភាពយ៉ាងខ្លាំងនាពេលបច្ចុប្បន្ន ដូច្នេះ ការប្រកួតនៅលើសង្វៀនម្ហូបរបស់ Chef Race by IZE ក្នុងសប្ដាហ៍នេះ ធានាថាតំណាងក្រុមទាំងបី ច្បាស់ជាមានវិធីសាស្ត្ររៀងៗខ្លួននៅក្នុងការប្រើប្រាស់សំនៀងរបស់ពួកគាត់ ដើម្បីទាក់ទាញម៉ូយៗឱ្យចូលទិញម្ហូបរបស់ខ្លួន។

ចាំមើលថាតើរវាងតារាកិត្តិយសប្រុសទាំងពីរ អាចយកឈ្នះលើតារាកិត្តិយសស្រីដែលមានសម្រស់ស្រស់ស្អាត បានដែរឬទេ? លទ្ធផលនឹងត្រូវបាននឹងលាតត្រដាងនៅក្នុងកម្មវិធី Chef Race by IZE ដែលនឹងចាក់ផ្សាយនៅលើកញ្ចក់ទូរទស្សន៍ CTN និងផ្សាយផ្ទាល់នៅលើទំព័រហ្វេសប៊ុកផ្លូវការ Chef Race by IZE នាថ្ងៃសៅរ៍ ទី២៤ ខែកុម្ភៈ ចាប់ពីម៉ោង ១១ ព្រឹកតទៅ៕

អត្ថបទទាក់ទង