ផ្លឹស-ខេអេក ញូវ

MasterChef Cambodia៖ អត្ថប្រយោជន៍ដ៏អស្ចារ្យរបស់ស្ដេកសម្រាប់សុខភាព

MasterChef Cambodia
March 12th, 2024 (3 years)
Views: 455
Share

ក្នុងរយៈពេលប៉ុន្មានឆ្នាំចុងក្រោយនេះ ការជជែកពិភាក្សាជុំវិញអត្ថប្រយោជន៍សុខភាពនៃការទទួលទានស្ដេក (Steak) បានទទួលការចាប់អារម្មណ៍យ៉ាងខ្លាំង។ មានការលើកជាសំណួរថាតើ Steak គឺជាជម្រើសអាហារូបត្ថម្ភដែរឬទេ ការរកឃើញថ្មីៗបង្ហាញពីអត្ថប្រយោជន៍សុខភាពជាច្រើនដែលទាក់ទងនឹង Steak ក្នុងរបបអាហាររបស់មនុស្ស។

១. ប្រូតេអ៊ីន៖ Steak ជាប្រភពប្រូតេអ៊ីនសំខាន់ៗសម្រាប់មុខងារផ្សេងៗនៃរាងកាយ។ ប្រូតេអ៊ីនដើរតួនាទីយ៉ាងសំខាន់ពីការលូតលាស់សាច់ដុំរហូតដល់ការជួសជុលជាលិកា។ Steak ១០០ក្រាម មានប្រហែល ១៧៦ កាឡូរី និង ២០ ក្រាមនៃប្រូតេអ៊ីន។

២. ជាតិដែក៖ Steak ជួយកង្វះជាតិដែក និងជួយដល់ការដឹកជញ្ជូនអុកស៊ីសែនដោយកោសិកាឈាមក្រហម។ ជាតិដែកដែលអាចស្រូបយកបានយ៉ាងងាយស្រួលនៅក្នុងសាច់ក្រហម ធ្វើឱ្យវាជាជម្រើសដ៏ប្រសើរសម្រាប់ការប្រយុទ្ធប្រឆាំងនឹងភាពស្លេកស្លាំង។ លើសពីនេះ ការសិក្សាបានបង្ហាញពីអត្រាទាបនៃកង្វះជាតិដែកក្នុងចំណោមបុគ្គលដែលទទួលទានសាច់ក្រហមជាប្រចាំ។

៣. មីក្រូសារជាតិ៖ ក្រៅពីប្រូតេអ៊ីន និងជាតិដែក Steak សម្បូរទៅដោយមីក្រូសារជាតិសំខាន់ៗដែលមានសារសំខាន់សម្រាប់មុខងាររាងកាយដ៏ល្អប្រសើរ។ សារធាតុចិញ្ចឹមដូចជា Carnosine និង Creatine រួមចំណែកដល់មុខងារសាច់ដុំ និងខួរក្បាល។ លើសពីនេះ Steak ជាប្រភពដ៏សម្បូរបែបនៃវីតាមីន B សេលេញ៉ូម និងស័ង្កសី។ ការជ្រើសរើសសាច់គោដែលចិញ្ចឹមដោយស៊ីស្មៅ ជួយបង្កើនអូមេហ្គា 3s, CLAs, និងវីតាមីន E និង A។

៤. ជំនួយសុខភាពមាត់ធ្មេញ៖ អត្ថប្រយោជន៍របស់ Steak ជួយដល់សុខភាពមាត់ធ្មេញ ដោយជួយឱ្យធ្មេញ និងឆ្អឹងរឹងមាំ។ វាសម្បូរទៅដោយផូស្វ័រ និងដើរតួនាទីយ៉ាងសំខាន់ក្នុងការការពារស្រទាប់ធ្មេញ និងសុខភាពឆ្អឹង នេះបើយោងតាមសមាគមមាត់ធ្មេញអាមេរិក។

៥. សុខុមាលភាពផ្លូវចិត្ត៖ ការស្រាវជ្រាវថ្មីៗ បានគូសបញ្ជាក់ពីផលវិជ្ជមាននៃការទទួលទានសាច់ក្រហមលើសុខភាពផ្លូវចិត្ត។ ការសិក្សាបង្ហាញពីទំនាក់ទំនងរវាងការទទួលទានសាច់ក្រហមគ្រប់គ្រាន់ និងការថយចុះនៃជំងឺផ្លូវចិត្ត។ បុគ្គលដែលទទួលទានសាច់ក្រហមប្រចាំថ្ងៃ បង្ហាញពីអត្រាទាបនៃជំងឺធ្លាក់ទឹកចិត្ត និងការថប់បារម្ភ។

Steak ជាម្ហូបដែលប្រជាពលរដ្ឋខ្មែរនិយមទទួលទាន ហើយក៏ជាមុខម្ហូបដ៏ពេញនិយមនៅក្នុងការប្រកួតប្រជែងនៃកម្មវិធី MasterChef Cambodia ផងដែរ។ ចាំអ៊ុតមើលថាតើក្នុងរដូវកាលទី៣ នឹងមានវិញ្ញាសាប្រកួតដែលទាក់ទងនឹង Steak ដែរឬទេ? ដូច្នេះមានតែរង់ចាំទស្សនាទាំងអស់គ្នា!

MasterChef Cambodia រដូវកាលទី៣ ដែលឧបត្ថម្ភផ្ដាច់មុខដោយក្រុមហ៊ុន Khmer Beverages រួមមានស្រាបៀរកម្ពុជា IZE និង EXPREZ នឹងចាក់ផ្សាយនៅលើកញ្ចក់ទូរទស្សន៍ CTN ក្នុងពេលឆាប់ៗនេះ៕

អត្ថបទទាក់ទង