ផ្លឹស-ខេអេក ញូវ

ការថែទាំសុខភាពកូនតូចអំឡុងខែក្តៅ

ព័ត៍មាន
April 16th, 2024 (8 months)
Views: 107
Share

ភ្នំពេញ៖ អាកាសធាតុបានកើនឡើងកម្តៅខ្លាំង ជាហេតុធ្វើឱ្យឪពុកម្តាយដែលមានកូនតូចមានក្តីបារម្ភចំពោះសុខភាពកូនរបស់ខ្លួនជាខ្លាំង។ យ៉ាងណាមិញ ដើម្បីបង្ការកុំឱ្យកូនមានបញ្ហាសុខភាពអំឡុងខែក្តៅនេះ ប៉ាម៉ាក់គួរយកចិត្តទុកដាក់ឱ្យមែនទែន ដោយសារខែក្តៅក្មេងតូចៗតែងជួបប្រទះភាគច្រើនគឺ ចំណីអាហារមិនស្អាតដែលបណ្តាលឱ្យរាគរូស រលាកពោះវៀនរលាកប្រព័ន្ធផ្លូវនោម រលាកស្បែក និងជំងឺផ្សេងៗទៀត។

ដូចនេះដើម្បីបង្ការមិនឱ្យមានជំងឺទាំងនេះកើតឡើងត្រូវប្រកាន់ខ្ជាប់នូវការ ហូបស្អាត ផឹកស្អាត និងការរស់នៅស្អាត។ ការហូបស្អាតត្រូវឧស្សាហ៍លាងដៃ ជ្រើសរើសបន្លែស្រស់សម្រាប់កូន កុំព្យាយាមញ៉ាំអាហារដែលនៅសល់។ រីឯផឹកស្អាត គឺត្រូវផឹកទឹកដែលស្អាត និងឱ្យបានច្រើនដើម្បីជួយលាងសម្អាតសារពាង្គកាយដូចជាប្រព័ន្ធបង្ហូរនោម និងធ្វើឱ្យប្រព័ន្ធរំលាយអាហារក៏ល្អផងដែរ។

អ្វីដែលសំខាន់បំផុតនោះគឺត្រូវជំរុញកូនរបស់លោកអ្នកឱ្យញ៉ាំទឹកឱ្យបានត្រឹមត្រូវដោយគណនាយកគីឡូរបស់កូនទៅគុណនឹង ១០០ នោះនឹងឃើញបរិមាណទឹកដែលកូនត្រូវញ៉ាំក្នុងរយៈពេល ២៤ម៉ោង សម្អាតដៃឱ្យបានត្រឹមត្រូវ និងបរិភោគអាហារសម្បូរជីវជាតិគ្រប់គ្រាន់ដើម្បីបង្ការហានិភ័យកូនឈឺអំលុងអាកាសធាតុក្តៅខ្លាំង៕

ប្រភព៖ វីដេអូ Hellokrupet

អត្ថបទទាក់ទង