ផ្លឹស-ខេអេក ញូវ

ក្តៅខ្លាំងពេក សាលារដ្ឋចំនួន ៧,០០០ សាលានៅហ្វីលីពីន ឱ្យសិស្សរៀនតាមអនឡាញ

សង្គម
April 24th, 2024 (2 years)
Views: 432
Share

ហ្វីលីពីន៖ កម្តៅដ៏ក្តៅនៃកំណត់ត្រានៅក្នុងប្រទេសហ្វីលីពីនក្នុងខែនេះ បានបង្ខំឱ្យផ្អាកថ្នាក់រៀនផ្ទាល់នៅសាលារៀន និងជំនួសមកវិញដោយថ្នាក់រៀនអនឡាញ ហើយការវិលត្រឡប់មករៀនតាមអនឡាញឡើងវិញ ក៏បានរំឮកអំពីការចង់ចាំដល់ជំនាន់បិទខ្ទប់តំបន់រស់នៅដោយសារតែជំងឺកូវីដ-១៩ ។ គេក៏មានក្តីព្រួយបារម្ភចំពោះបញ្ហាអាកាសធាតុកាន់តែអាក្រក់ទៅៗនៅឆ្នាំបន្តបន្ទាប់ ដោយអាចប៉ះពាល់កាន់តែខ្លាំងដល់ការអប់រំ ។

កាលពីសប្តាហ៍មុន ក្មេងៗសិស្សសាលានៅឯសាលារដ្ឋចំនួន ៧,០០០ សាលានៅហ្វីលីពីន ត្រូវបានបញ្ជូនត្រឡប់ទៅផ្ទះវិញ ដោយសារតែអាកាសធាតុក្តៅខុសពីធម្មតានៅតាមតំបន់ជាច្រើនដែលភ្នាក់ងារព្យាករណ៍ឧតុនិយមបានផ្សារភ្ជាប់ទៅនឹងឥទ្ធិពលនៃបាតុភូតអាកាសធាតុអ៊ែលនីណូ (El Nino) ។

ជុំវិញចំណាត់ការឱ្យសិស្សត្រឡប់ទៅរៀនតាមអនឡាញវិញ អ្នកគ្រូ Erlinda Alfonso ដែលបង្រៀននៅឯសាលាបឋមសិក្សារដ្ឋមួយក្នុងទីក្រុងគូហ្សុន (Quezon) បាននិយាយថា អ្នកគ្រូមិនប្រាកដដែរ ព្រោះសិស្សខ្លះប្រាប់អ្នកគ្រូថា ពួកគេចូលចិត្តរៀនផ្ទាល់នៅសាលា ព្រោះតែនៅផ្ទះកម្តៅកាន់តែក្តៅខ្លាំងជាង ហើយសិស្សខ្លះទៀតដែលរស់នៅជាយក្រុង គឺមិនមានសេវាអ៊ិនធឺណិតគ្រប់គ្រាន់ដើម្បីចូលរៀនអនឡាញនោះទេ ។

គ្រូបង្រៀន និងសហជីព លើកឡើងថា ដោយសារតែសាលារដ្ឋភាគច្រើននៅក្នុងប្រទេសដែលមានប្រជាជន ១១៥ លាននាក់ មានបំពាក់ឧបករណ៍មិនទំនើបគ្រប់គ្រាន់ដើម្បីទប់ទល់នឹងកំណើនសីតុណ្ហភាព និងបម្រែបម្រួលអាកាសធាតុផ្សេងៗទៀត ដូចនេះ រៀនតាមអនឡាញក្លាយជាជម្រើសមួយដែលមានសុវត្ថិភាពបំផុតក្នុងអំឡុងរលកកម្តៅខ្លាំងបែបនេះ ៕

ប្រភព៖ CNC

អត្ថបទទាក់ទង