ផ្លឹស-ខេអេក ញូវ

ម្ចាស់ពានរង្វាន់ MasterChef Cambodia រដូវកាលទី៣ នឹងក្លាយជាចុងភៅនៅសណ្ឋាគារ Hyatt Regency

MasterChef Cambodia
June 10th, 2024 (2 years)
Views: 3,702
Share

ម្ចាស់ពានរង្វាន់របស់កម្មវិធីប្រកួតចម្អិនម្ហូបលំដាប់ថ្នាក់ពិភពលោក MasterChef Cambodia រដូវកាលទី៣ ដែលត្រូវបានឧបត្ថម្ភផ្ដាច់មុខដោយរក្រុមហ៊ុន Khmer Beverages មិនត្រឹមតែទទួលបានប្រាក់រង្វាន់ចំនួន ២០០ លានរៀលប៉ុណ្ណោះទេ ប៉ុន្តែថែមទាំងមានឱកាសក្លាយជាចុងភៅនៅក្នុងសណ្ឋាគារលំដាប់ផ្កាយ ៥ Hyatt Regency ថែមទៀតផង។ នេះបើយោងតាមការប្រកាសរបស់ អ្នកឧកញ៉ា លាង ម៉េង សហស្ថាបនិកក្រុមហ៊ុនជីបម៉ុង ក្នុងសប្ដាហ៍ទី៣ នៃកម្មវិធី MasterChef Cambodia រដូវកាលទី៣ កាលពីយប់មិញ។

ការផ្ដល់នូវឱកាសការងារជាចុងភៅនៅសណ្ឋាគារលំដាប់ផ្កាយ៥នេះដែរ គឺមិនធ្លាប់មានពីមុនឡើយនៅក្នុងរដូវកាលមុនៗ។ បន្ទាប់ពីការប្រកាសបែបនេះ បេក្ខជននិងបេក្ខនារីទាំងអស់ បានបង្ហាញក្ដីរំភើប ព្រោះនេះជាឱកាសដ៏កម្រនិងធំមិនធ្លាប់មាន ដែលអាចក្លាយជាចុងភៅនៅក្នុងសណ្ឋាគារ Hyatt Regency Phnom Penh ដោយបេក្ខជននិងបេក្ខនារីទាំងអស់ ត្រូវតែខិតខំប្រឹងប្រែងឱ្យអស់ពីលទ្ធភាពដើម្បីក្លាយជាម្ចាស់ពានរង្វាន់ MasterChef Cambodia រដូវកាលទី៣។

គិតមកទល់ពេលនេះ កម្មវិធីមានបេក្ខជននៅសល់ចំនួន ២៤នាក់ ក្រោយពីបេក្ខជនម្នាក់ ត្រូវបានជម្រុះចេញពីការប្រកួតនៅក្នុងផ្ទះបាយដ៏ប្រណីតរបស់កម្មវិធី ក្នុងសប្ដាហ៍ទី៣កន្លងទៅ៕

អត្ថបទទាក់ទង