ផ្លឹស-ខេអេក ញូវ

៦ គុណសម្បត្តិ និងគុណវិបត្តិនៃការចម្អិន ទា មាន់ និងក្រួច ដែលជាគ្រឿងផ្សំគោលរបស់ MasterChef Cambodia

MasterChef Cambodia
July 26th, 2024 (2 years)
Views: 1,123
Share

កម្មវិធី MasterChef Cambodia រដូវកាលទី៣ ដែលត្រូវបានឧបត្ថម្ភផ្ដាច់មុខដោយក្រុមហ៊ុន Khmer Beverages បានផ្ដល់នូវវិញ្ញាសាម្ហូបច្នៃប្រឌិតដែលមានគ្រឿងផ្សំគោល ភ្លៅទា ទ្រូងមាន់ និងសត្វក្រួច។ សាច់នីមួយៗជាប្រតេអ៊ីន ដែលតម្រូវឱ្យដឹងពីវិធីក្នុងការចម្អិន។

ភ្លៅទា

មានគុណសម្បត្តិ ដូចជា៖ សាច់ដៃទាមានរសជាតិដែលអាចចម្អិនមុខម្ហូបដ៏ឈ្ងុយឆ្ងាញ់, វាអាចត្រូវបានចម្អិនជាច្រើនរបៀប រួមទាំងការដុត ខ ឬក៏លីង ចំណែកស្បែកស្រួយនៅពេលចម្អិនបានត្រឹមត្រូវ។

យ៉ាងណាមិញ វាក៏មានគុណវិបត្តិផងដែរ ដោយតម្រូវឱ្យចម្អិនយូរដោយប្រុងប្រយ័ត្ន, វាសម្បូរជាតិខ្លាញ់ខ្ពស់ តម្រូវឱ្យមានតុល្យភាពជាមួយគ្រឿងផ្សំស្រស់ៗ, ហើយភាពស្មុគស្មាញ នៃការចម្អិនសាច់ទា អាចបង្កការលំបាកសម្រាប់ចុងភៅមានបទពិសោធន៍តិចជាមួយវា។

ទ្រូងមាន់

មានគុណសម្បត្តិដូចជា៖ សាច់ដែលមានគុណភាពខ្ពស់ ជាជម្រើសសម្រាប់អ្នកគិតពីសុខភាព និងមានខ្លាញ់ទាប, ចម្អិនបានលឿន ធ្វើឱ្យវាមានលក្ខណៈងាយក្នុងការចម្អិន, សាច់ទ្រូងមាន់ឆាប់ស្រូបបញ្ចូលជាមួយគ្រឿងផ្សំ និងទឹកជ្រលក់។

ចំពោះគុណវិបត្តិ មានដូចជា៖ ឆាប់ស្ងួត បើមិនប្រុងប្រយ័ត្នសាច់ទ្រូងមាន់អាចក្លាយជាស្ងួតនិងរឹង, សាច់ទ្រូងមាន់អាចមិនឆ្ងាញ់ ប្រសិនបើមិនចម្អិនបានត្រឹមត្រូវ, វាជាគ្រឿងផ្សំគោលដែលប្រើប្រាស់ញឹកញាប់ដូច្នេះចុងភៅត្រូវមានការច្នៃប្រឌិតបន្ថែមដើម្បីបន្ថែមរសជាតិ។

សាច់ក្រួច

មានគុណសម្បត្តិដូចជា៖ រសជាតិ ផ្អែមបន្តិចដែលអាចធ្វើឱ្យវាប្លែកពីសាច់ផ្សេងៗ,
ការតាំងបង្ហាញបានល្អ អាចមានសោភ័ណភាពល្អ, និងអាចចម្អិនបានលឿន ដែលជាលក្ខណៈពិសេសក្នុងការប្រកួត។

សម្រាប់គុណវិបត្តិរបស់វាមានដូចជា៖ មានសាច់តិច ធ្វើឱ្យការរៀបចំនិងការតាំងបង្ហាញ ត្រូវមានការប្រុងប្រយ័ត្ន, ឆ្អឹងតូចៗច្រើនអាចរំខានអ្នកញ៉ាំ ហើយចុងភៅមួយចំនួនពុំធ្លាប់ចម្អិន ដែលបង្កការលំបាកក្នុងការបង្កើតរសជាតិ៕

អត្ថបទទាក់ទង