ផ្លឹស-ខេអេក ញូវ

មិនត្រឹមជោគជ័យតែក្នុងសិល្បៈ សូម្បីជីវិតពិតក៏ Myolie Wu ជោគជ័យទទួលបានសុភមង្គលពេញលេញទោះរៀបការជិត ១០ឆ្នាំក៏ដោយ

កម្សាន្ត
August 2nd, 2024 (1 month)
Views: 204
Share

ហុងកុង៖ ប្រលូកក្នុងសិល្បៈរហូតទទួលបានសមិទ្ធផលគួរជាទីគាប់ចិត្ត តារាសម្តែងស្រីហុងកុង Myolie Wu អាចគ្រងតំណែងជាតួឯកស្រីក្នុងរឿងភាគបុរាណ និងសម័យជាច្រើនក្នុងចំណោម ៦០រឿងដែលនាងបានសម្តែង។ ដោយសារសមត្ថភាពពោរពេញដោយសិល្បៈក្នុងខ្លួននេះហើយ បានធ្វើឱ្យតារាស្រីរូបនេះទទួលបានពានរង្វាន់ហូរហែផងដែរ។

មុនពេលប្រលូកក្នុងការសម្តែងភាពយន្ត Myolie Wu បានចូលរួមប្រលងបវរកញ្ញាក្នុងឆ្នាំ ១៩៩៩ ដោយឈ្នះជាបវរកញ្ញាលំដាប់រងទី២ ទៀតផង។ តារាស្រីរូបនេះបានសម្រេចសាងគ្រួសារជាមួយនឹងអ្នកជំនួញមួយរូបកាលពីឆ្នាំ ២០១៥ និងរហូតមកទល់ពេលនេះនាងទទួលបានកូនប្រុសចំនួន ៣នាក់ផងដែរ។

ទោះបីជាឆ្លងកាត់ជីវិតគ្រួសារជិត ១០ឆ្នាំហើយក៏ពិតមែន ប៉ុន្តែភាពផ្អែមល្ហែម និងសុភមង្គលក្នុងគ្រួសារ Myolie Wu នៅតែរឹងមាំជាហេតុធ្វើឱ្យអ្នកគាំទ្រតារាស្រីរូបនេះកោតសរសើរជាខ្លាំង។ ជាក់ស្តែង កាលពីពេលថ្មីៗនេះ Myolie Wu និងក្រុមគ្រួសារបាននាំគ្នាទៅវិស្សមកាលនៅកោះម៉ាឌីវយ៉ាងសប្បាយរីករាយដែលនេះបានបង្ហាញឱ្យឃើញច្បាស់ពីការបែងចែកពេលវេលាការងារ និងគ្រួសារបានយ៉ាងល្អចំពោះគូស្វាមីភរិយាមួយគូនេះ។

ចំណងអាពាហ៍ពិពាហ៍ក្នុងគ្រួសារ Myolie Wu មិនដែលលេចឮព័ត៌មានអាស្រូវម្តងណាដែលធ្វើឱ្យអ្នកគាំទ្រកើតមន្ទិលពីបញ្ហាគ្រួសាររបស់នាងឡើយ ពោលមានតែក្លាយជាគ្រួសារគំរូមួយដែលធ្វើឱ្យគ្រប់គ្នាលាន់មាត់សរសើរតែប៉ុណ្ណោះ៕

អត្ថបទទាក់ទង