ផ្លឹស-ខេអេក ញូវ

នីតា បេក្ខនារីដែលក្មេងជាងគេ នឹងក្លាយជាអ្នកធ្វើមេក្រុមច្រើនដងជាងគេប្រចាំ MasterChef Cambodia

MasterChef Cambodia
August 8th, 2024 (8 months)
Views: 776
Share

នីតា ដែលមានវ័យ២០ឆ្នាំ នឹងក្លាយជាប្រធានក្រុមជាលើកទី២ នៅក្នុងផ្ទះបាយដ៏ប្រណីតរបស់កម្មវិធី MasterChef Cambodia រដូវកាលទី៣ ដែលត្រូវបានឧបត្ថម្ភផ្ដាច់មុខដោយក្រុមហ៊ុន Khmer Beverages នៅពេលដែលកម្មវិធីឈានចូលដល់សប្ដាហ៍ទី១២ ដែលជាការប្រកួតជាក្រុមសាជាថ្មី។

នីតា សម្រេចបានជោគជ័យគួរឱ្យកត់សម្គាល់ក្នុងកម្មវិធី MasterChef Cambodia រដូវកាលនេះ ដោយទទួលបានជ័យជម្នះជាលើកទី២ អំឡុងពេលប្រកួតវិញ្ញាសាម្ហូបច្នៃប្រឌិតកាលពីសប្ដាហ៍ទី១១។ ជ័យជម្នះចុងក្រោយរបស់នីតា មិនត្រឹមតែបង្ហាញពីទេពកោសល្យធ្វើម្ហូបរបស់នាងប៉ុណ្ណោះទេ ប៉ុន្តែថែមទាំងធ្វើឱ្យនីតាក្លាយជាប្រធានក្រុមជាថ្មីម្ដងទៀត នៅសប្ដាហ៍បន្ទាប់ផងដែរ។

នេះជាលើកទីពីរ បន្ទាប់ពីការដឹកនាំក្រុមលើកដំបូងរបស់នីតា បានទទួលជោគជ័យ ក្នុងការប្រកួតនៅខាងក្រៅផ្ទះបាយ MasterChef Cambodia ដែលធ្វើឡើងនៅទីតាំង Grand Phnom Penh Golf Club ។ នៅសប្ដាហ៍ក្រោយនេះ បេក្ខនារីដែលជានិស្សិតផ្នែកទេសចរណ៍ នឹងដឹកនាំក្រុមចម្អិននៅក្នុងផ្ទះបាយ MasterChef Cambodia វិញម្ដង ដើម្បីតតាំងជាមួយ ៣ ក្រុមផ្សេងទៀត ដែលដឹកនាំដោយបេក្ខជនដែលឈ្នះកាលពីសប្ដាហ៍ទី១១។

សប្ដាហ៍ខាងមុខនេះ នឹងកាន់តែជក់ចិត្តជាមួយនឹងសមរភូមិក្នុងផ្ទះបាយ ការសហការគ្នា និងការខ្វែងគំនិតគ្នាអំឡុងពេលចម្អិន។ តើក្រុមរបស់នីតា ឬក្រុមផ្សេងទៀត ដែលនឹងធ្វើបានល្អជាងគេ? ចម្លើយនឹងរកឃើញ នៅថ្ងៃអាទិត្យខាងមុខនេះ។

MasterChef Cambodia រដូវកាលទី៣ សប្ដាហ៍ទី១២ នឹងមានផ្សាយជូនទស្សនានៅលើកញ្ចក់ទូរទស្សន៍ CTN ព្រមទាំងយូធូប និងហ្វេសប៊ុក MasterChef Cambodia នាថ្ងៃអាទិត្យ ទី១១ ខែសីហា ចាប់ពីម៉ោង ៨ យប់តទៅ៕

អត្ថបទទាក់ទង