ផ្លឹស-ខេអេក ញូវ

បញ្ញា ចាកចេញពីកម្មវិធី MasterChef Cambodia ក្នុងសប្ដាហ៍ចំថ្ងៃខួបកំណើតរបស់គាត់ ដោយបង្ហើបពីគម្រោងនៅក្នុងវិស័យអាហារ

MasterChef Cambodia
September 9th, 2024 (1 month)
Views: 879
Share

កាក់ សីលាបញ្ញា បេក្ខជនឆ្នើមប្រចាំកម្មវិធី MasterChef Cambodia រដូវកាលទី៣ ដែលត្រូវបានឧបត្ថម្ភផ្ដាច់មុខដោយក្រុមហ៊ុន Khmer Beverages បានបង្ហោះសារលាដ៏មានន័យចំពោះអ្នកគាំទ្រ បន្ទាប់ពីត្រូវបានជម្រុះចេញពីកម្មវិធី នៅសប្ដាហ៍ទី១៦ ដែលជាសប្ដាហ៍ចំថ្ងៃខួបកំណើតរបស់គាត់ផងដែរ។

នៅក្នុងការបង្ហោះនៅលើ Facebook បញ្ញា បានរៀបរាប់ពីដំណើរក្នុងផ្ទះបាយ MasterChef របស់គាត់ ដោយបង្ហាញពីការដឹងគុណចំពោះក្តីស្រលាញ់ និងការគាំទ្រដែលគាត់ទទួលបានពីទស្សនិកជន បេក្ខជនទាំងអស់ និងគណៈកម្មការទាំង៣រូបរបស់ MasterChef ។

បញ្ញាបានសរសេរថា៖ “ខ្ញុំមិននឹកស្មានថាសប្តាហ៍ដែលត្រូវចាកចេញពីកម្មវីធី ចំថ្ងៃខួបកំណើតសោះតែមិនអីទេ ឆ្នាំនេះពិតជាមានន័យលើសឆ្នាំណាៗទាំងអស់ ព្រោះឆ្នាំនេះទទួលបានការស្រលាញ់ ចូលចិត្ត និងគាំទ្រច្រើនពីបងប្អូនទាំងអស់គ្នា ជាពិសេស បានជួប បានស្គាល់ជាមួយបងអូន ដែលជាបេក្ខជនប្រកួតMasterChefទាំងអស់ ទោះបីជាមកពីទីកន្លែងផ្សេងគ្នាមែន តែអរគុណសម្រាប់ការមើលថែគ្នាកន្លងមក ជាពិសេសសូមអរគុណទៅកាន់គណៈកម្មការទាំង3 ដែលតែងតែផ្តល់ដំបូន្មាន និងបង្ហាត់បង្រៀនបទពិសោធន៍ល្អៗមកកាន់ខ្ញុំ មួយវិញទៀតសូមអរគុណទៅកាន់ Khmer Beverages ដែលបានបង្កើតអោយមានកម្មវិធីនេះឡើង និងអរគុណបងៗក្រុមការងារ MasterChefទាំងអស់គ្នា ហើយជាចុងក្រោយសូមអរគុណទៅកាន់ក្រុមគ្រួសារខ្ញុំ និងបងប្អូន ពូមីងដែលជាអ្នកគាំទ្រខ្ញុំតាំងពីមក”។

ទោះជាត្រូវបានជម្រុះចេញក៏ដោយ ក៏លោក បញ្ញា មានគម្រោងបង្ហើតវីឌីអូចែករំលែកពីម្ហូបអាហារ និងការបណ្តាក់ទុនផ្សេងទៀត។ បេក្ខជនដែលជាមន្ត្រីនគរបាលរូបនេះបន្តឱ្យដឹងថា៖ “ទោះបីជាថ្ងៃនេះខ្ញុំចាកចេញពីកម្មវិធីមែន តែខ្ញុំនឹងបន្តមានអ្វីថ្មីៗ មុខម្ហូប និងបទពិសោធន៍ផ្សេងៗជាច្រើនទៀត ចឹងកុំភ្លេចតាមដាន និងជួយគាំទ្របន្ថែមទៀតផងណា ជួបគ្នានៅវីឌីអូក្រោយៗទៀត អរគុណ”។

គួរកត់សម្គាល់ថា បញ្ញា គឺជាបេក្ខជនទី១៣ ដែលត្រូវបានជម្រុះចេញពីកម្មវិធី MasterChef Cambodia រដូវកាលទី៣ ក្នុងសប្ដាហ៍ទី១៦។ បញ្ញា គឺជាបេក្ខជនឆ្នើមម្នាក់ ដែលធ្លាប់ឈ្នះការប្រកួតវិញ្ញាសានានា និងធ្លាប់ធ្វើជាប្រធានក្រុមចំនួន ៣ លើកផងដែរ។ បេក្ខជនរូបនេះ ទទួលការកោតសរសើរពីសំណាក់ចំពោះភាពជាអ្នកដឹកនាំ ដែលមិនចេះស្ដីបន្ទោសចំពោះកូនក្រុម ទោះបីជាលទ្ធផលចាញ់ក៏ដោយ៕

អត្ថបទទាក់ទង