ផ្លឹស-ខេអេក ញូវ

បេក្ខជនម្នាក់នេះបានសោកស្ដាយបំផុតសម្រាប់ការចាកចេញពីផ្ទះបាយ MasterChef Cambodia របស់បញ្ញា

MasterChef Cambodia
September 10th, 2024 (1 month)
Views: 601
Share

ជាមិត្តជិតស្និទ្ធរបស់បញ្ញានៅក្នុងផ្ទះបាយ MasterChef Cambodia រដូវកាលទី៣ ដែលត្រូវបានឧបត្ថម្ភផ្ដាច់មុខដោយក្រុមហ៊ុន Khmer Beverages សិលា បានបង្ហាញការសោកស្ដាយ បន្ទាប់ពី បញ្ញាត្រូវបានជម្រុះចេញពីកម្មវិធី។

សិលា បាននិយាយដូច្នេះទៅកាន់បញ្ញាដែលខ្លួនចាក់ទុកប្រៀបដូចជាប្អូនប្រុសរបស់ខ្លួនថា៖ “អត់មានអីនិយាយទេ Love you ប្ហូនប្រុសសំណព្វ”។ នេះបានឆ្លុះបញ្ចាំងពីចំណងមិត្តភាពដ៏រឹងមាំរវាងបេក្ខជនទាំងពីរ ទោះបីជាអ្នកទាំងពីរស្ថិតនៅក្នុងការប្រកួតប្រជែងគ្នាខ្លាំងយ៉ាងណាក៏ដោយ។

កន្លងមក បញ្ញា តែងតែជ្រើសរើស សិលា ជាជម្រើសដំបូងសម្រាប់ក្រុមរបស់គាត់ ក្នុងវិញ្ញាសាជាក្រុមដែលខ្លួនជាអ្នកដឹកនាំ ដោយសារការជឿទុកចិត្តគ្នាទៅវិញទៅមក និងមិត្តភាពរបស់អ្នកទាំងពីរ។ ក្នុងពេលមួយ បញ្ញាបានជ្រើសរើស សិលា ជាជម្រើសដំបូងសម្រាប់ក្រុមរបស់ខ្លួន ប៉ុន្តែ រស្មី បានប្ដូរ ម៉ាលីន ដើម្បីយក សិលា មកកាន់របស់ខ្លួនវិញ។

អ្នកគាំទ្រ MasterChef Cambodia រដូវកាលទី៣បានសោកស្ដាយចំពោះការចាកចេញពីកម្មវិធីរបស់បញ្ញា ជាពិសេសការបាត់បង់ដៃគូដៃកង់រវាងសិលា និងបញ្ញា ដែលតែងតែទទួលបានលទ្ធផលល្អ ក្នុងការធ្វើការជាមួយគ្នាផងដែរ។

ដំណើរក្នុងផ្ទះបាយ MasterChef របស់បញ្ញាបានបញ្ចប់ ប៉ុន្តែដំណើររបស់ សិលា មិនទាន់បញ្ចប់នោះទេ។ តាមដានរឿងរ៉ាវរបស់សិលា នៅក្នុងសប្ដាហ៍បន្ទាប់ ក្នុងកម្មវិធី MasterChef Cambodia នៅលើកញ្ចក់ទូរទស្សន៍ CTN ព្រមទាំង Facebook និង YouTube ផ្លូវការ MasterChef Cambodia នាថ្ងៃអាទិត្យ ទី១៥ ខែកញ្ញា ចាប់ពីម៉ោង ៨ យប់តទៅ៕

អត្ថបទទាក់ទង