ផ្លឹស-ខេអេក ញូវ

បឺត សង្ឃឹម សម្រុកហាត់ត្រៀមឡើងសង្វៀន KIZZ គុនខ្មែរនៅ CTN នៅថ្ងៃសុក្រសប្ដាហ៍នេះ

កីឡា
September 11th, 2024 (2 years)
Views: 419
Share

ថ្មីៗនេះ អ្នកលេងចិត្តសាស្ត្រ បឺត សង្ឃឹម កំពុងបុកហាត់ដើម្បីត្រៀមខ្លួនសម្រាប់ការប្រកួតនៅលើសង្វៀន KIZZ គុនខ្មែរ ដែលរៀបចំដោយ KKIF និងផ្សាយផ្ទាល់នៅលើកញ្ចក់ទូរទស្សន៍ CTN ព្រមទាំងលើបណ្ដាញសង្គមហ្វេសប៊ុកផ្លូវការរបស់ CNC Sports, KIZZ, Khmer Beverages, លោកឧកញ៉ាស្រី ចាន់ថន និង Kun Khmer International Fight នាថ្ងៃសុក្រ ទី១៣ ខែកញ្ញា ចាប់ពីម៉ោង៨យប់តទៅ។

អ្នកលេងចិត្តសាស្ត្រ បឺត សង្ឃឹម នឹងប្រកួតជាមួយកីឡាករម៉ារ៉ុក Ahmed ក្នុងប្រភេទទម្ងន់ ៥៧ គីឡូក្រាម សម្រាប់វិញ្ញាសាគុនខ្មែរ គូមិត្តភាពអន្តរជាតិប្រចាំសប្ដាហ៍។ សង្ឃឹម បានប្ដេជ្ញាស្វែងរកជ័យជម្នះនៅលើសង្វៀន KIZZ ។

ក្រៅពីនេះ ក៏នៅមានគូមិត្តភាពអន្តរជាតិ និងមិត្តភាពជាតិ ចំនួន ៦ គូផ្សេងទៀត ដែលសុទ្ធសឹងជាគូជក់ចិត្ត។ ក្រៅពីទស្សនាលើកញ្ចក់ទូរទស្សន៍ និងហ្វេសប៊ុក ប្រិយមិត្តក៏អាចចូលរួមទស្សនាដោយផ្ទាល់ដោយសេរី នៅស្ទូឌីយោ ស្ថានីយទូរទស្សន៍ CTN ឫស្សីកែវ៕

អត្ថបទទាក់ទង