ផ្លឹស-ខេអេក ញូវ

Fan Fan សោកស្ដាយជំនួស លីនណា ក្រោយជម្រុះចេញពីកម្មវិធី MasterChef Cambodia “ដោយសារបញ្ហាសុខភាព”

MasterChef Cambodia
November 4th, 2024 (4 weeks)
Views: 172
Share

អ្នកគាំទ្ររបស់កម្មវិធី MasterChef Cambodia បានបង្ហាញការសោកស្ដាយសម្រាប់ បេក្ខនារី ប៊ុន លីនណា ដែលជាអ្នកខ្លាំងម្នាក់ក្នុងវិញ្ញាសាប្រអប់អាថ៌កំបាំង ត្រូវបានជម្រុះក្នុងវគ្គពាក់កណ្តាលផ្តាច់ព្រ័ត្រ ដោយសារតែបញ្ហាសុខភាពដែលប៉ះពាល់ដល់ការប្រកួតរបស់លីនណា។

ទោះជាលទ្ធផលលីនណា Fan Fan សម្ដែងការគាំទ្រចំពោះលីនណា ហើយខ្លះទៀតបញ្ចេញមតិក្នុងខមិនក្នុងផេកផ្លូវការរបស់ MasterChef Cambodia ថា បើសិនជាមិនមានបញ្ហាសុខភាពទេ លីនណានឹងអាចឈានដល់វគ្គផ្ដាច់ព្រ័ត្រ និងមានឱកាសឈ្នះពានរង្វាន់រដូវកាលទី៣។

អំឡុងការប្រកួតវគ្គពាក់កណ្ដាលផ្ដាច់ព្រ័ត្រ លីនណា ដែលជាបេក្ខនារីមានការលេងសើចច្រើនតែហ្មត់ចត់ និងតែងតែបង្កនូវស្នាមញញឹមដើម្បីញ៉ាំងបរិយាកាសនៅក្នុងកម្មវិធី បានឈរចម្អិនទាំងទឹកមុខមិនស្រស់ស្រាយដូចសប្ដាហ៍មុនៗឡើយ ដោយសារតែកត្តាសុខភាព។

ក្នុងរដូវកាលនេះ បេក្ខនារីដែលមកពីរាជធានីភ្នំពេញរូបនេះ បានមានការលូតលាស់សមត្ថភាពយ៉ាងឆាប់រហ័ស ចាប់ពីតាំងការប្រកួតដណ្ដើមអាវអៀមស ដល់វក្គ Top 5 ឬវគ្គពាក់កណ្ដាលផ្ដាច់ព្រ័ត្រ។ លីនណា គឺជាបេក្ខនារីមួយរូប ដែលបានប្រកួតច្រើនវិញ្ញាសាជាងគេ នៅក្នុងការប្រកួត Skill Test ដណ្ដើមយកអាវអៀមសមួយក្នុងចំណោមអាវអៀមសទាំង២៥ សម្រាប់បេក្ខភាព Top 25 ។

ការចាកចេញរបស់លីនណា បានបន្សល់ទុកនូវការសោកស្ដាយចំពោះសមត្ថភាពរបស់នាង ទាំងការច្នៃប្រឌិត ទាំងរសជាតិនៃមុខម្ហូបដែលចម្អិនដោយស្នាដៃរបស់លីនណា។ ទោះមិនអាចសម្រេចគោលដៅក្នុងការលើកពាន តែ លីនណា បានបង្ហាញពីភាពលេចធ្លោរបស់ខ្លួនដែលមិនអាចប្រកែកបាន៕

អត្ថបទទាក់ទង