ផ្លឹស-ខេអេក ញូវ

សំអន បង្ហើបរឿងក្រៅឆាកមួយដែល Fan មានចម្ងល់ជាយូរ ក្រោយការចាកចេញរបស់ សុធារិទ្ធ ពីផ្ទះបាយ MasterChef Cambodia

MasterChef Cambodia
November 4th, 2024 (4 weeks)
Views: 191
Share

បន្ទាប់ពីការចាកចេញពីកម្មវិធី MasterChef Cambodia រដូវកាលទី៣ នៅក្នុងវគ្គពាក់កណ្តាលផ្តាច់ព្រ័ត្រ សំអន បានផុសអរគុណចំពោះ សុធារិទ្ធ បានដើរតួយ៉ាងសំខាន់នៅពីក្រោយឆាក។

ដើម្បីបង្ហាញការអរគុណចំពោះមិត្តភាព និងជាបងប្រុសដ៏ល្អម្នាក់ពីសំណាក់ សុធារិទ្ធ, សំអន ដែលជាបេក្ខភាព Top 3 របស់ MasterChef Cambodia បានឱ្យដឹងថា៖ “អរគុណអាហ៊ាខ្លាំងៗ ដែលតែងតែយកអាវស្អាតៗមកឱ្យពាក់នៅក្នុងការប្រកួត (ចាប់តាំងពី top10 មកដល់ top5) ជាពិសេសនោះគឺបានយកគ្រឿងផ្សំទាំងអស់មកឱ្យ សំអន រៀន! ហើយក៏សោកស្តាយដែលអាហ៊ាមិនបានទៅបន្តទៀត! (បងមិនមែនជាផ្កាក្នុងថូទេ តែជាផ្កាដ៏ស្រស់ស្អាតនៅក្នុងសួន!) Love you bong Sothea Rith”

ការបង្ហើបរបស់សំអន បានធ្វើឱ្យទស្សនិកជនអស់ចម្ងល់ពីការផ្លាស់ប្ដូរនៃការស្លៀកពាក់របស់ខ្លួន នៅក្នុងកម្មវិធី MasterChef រួមទាំងបង្ហាញពីភាពស្និទ្ធស្នាល និងការគោរពគ្នាទៅវិញទៅមករវាងបេក្ខជន ក្នុងដំណើរឆ្ពោះទៅកាន់ពានរង្វាន់ MasterChef ។

សំអន នឹងឈានចូលដល់វគ្គផ្តាច់ព្រ័ត្រ ដើម្បីប្រកួតជាមួយ ម៉ាលីន និង លីនដា នៅថ្ងៃអាទិត្យ ទី១០ ខែវិច្ឆិកា ខាងមុខ ដែលនឹងមានផ្សាយនៅលើកញ្ចក់ទូរទស្សន៍ CTN ព្រមទាំង Facebook និង YouTube ផ្លូវការរបស់ MasterChef Cambodia ចាប់ពីម៉ោង ៨ យប់តទៅ៕

អត្ថបទទាក់ទង