ផ្លឹស-ខេអេក ញូវ

សប្ដាហ៍ទី២៤ បង្ហាញពីការវិលត្រលប់សាជាថ្មីរបស់អតីតបេក្ខជនអៀមស MasterChef Cambodia បន្ថែមភាពរំជើបរំជួលដល់វគ្គផ្តាច់ព្រ័ត្រ

MasterChef Cambodia
November 7th, 2024 (4 weeks)
Views: 291
Share

ទស្សនិកជនរបស់ស្ថានីយទូរទស្សន៍ CTN និងអ្នកគាំទ្រកម្មវិធី MasterChef Cambodia កំពុងទន្ទឹងរង់ចាំការត្រលប់មកវិញរបស់អតីតបេក្ខជនបេក្ខនារីអាវអៀមសទាំង២៥រូប ដែលនឹងមកជួបជុំគ្នាសាជាថ្មី ដើម្បីគាំទ្រដល់បេក្ខភាពចុងក្រោយទាំង៣រូប គឺ លីនដា ម៉ាលីន និង សំអន ក្នុងការប្រកួតវគ្គផ្ដាច់ព្រ័ត្រ នាថ្ងៃអាទិត្យខាងមុខនេះ។

ការជួបជុំគ្នាលើកនេះ នឹងបន្ថែមភាពរំជើបរំជួល និងភាពស្និទ្ធស្នាលកាន់តែខ្លាំងឡើង ខណៈបេក្ខជនកំពូលទាំង ២៥ នាក់ បានត្រៀមខ្លួនដើម្បីផ្ដល់ការលើកទឹកចិត្តដល់បេក្ខជនបេក្ខនារីទាំង៣រូបចុងក្រោយក្នុងការប្រកួតដណ្ដើមយកពានរង្វាន់ MasterChef Cambodia អមជាមួយទឹកប្រាក់ ២០០លានរៀល និងឱកាសក្លាយជាកំពូលចុងភៅនៅសណ្ឋាគារលំដាប់ផ្កាយ ៥ Hyatt Regency ។

វត្តមានរបស់បេក្ខជនទាំងអស់ ធ្វើឱ្យវគ្គផ្ដាច់ព្រ័ត្រមិនត្រឹមតែជាការប្រកួតប៉ុណ្ណោះទេ ប៉ុន្តែជាការអបអរសាទរសម្រាប់ដំណើរក្នុងផ្ទះបាយ MasterChef ដែលមិនអាចបំភ្លេចបានរបស់ពួកគេផងដែរ។ ជាមួយនឹងការគាំទ្របន្ថែមនេះ ការប្រកួតវគ្គផ្ដាច់ព្រ័ត្រនឹងកាន់តែជក់ចិត្តបន្ថែមមួយកម្រិតទៀត។

វគ្គផ្ដាច់ព្រ័ត្រ MasterChef Cambodia រដូវកាលទី៣ នឹងផ្សាយជូនទស្សនានៅលើកញ្ចក់ទូរទស្សន៍ CTN ព្រមទាំង Facebook និង YouTube ផ្លូវការរបស់ MasterChef Cambodia នាថ្ងៃអាទិត្យ ទី១០ ខែវិច្ឆិកា ចាប់ពីម៉ោង ៨ យប់តទៅ។ ចូលរួមអបអរសាទរដល់ម្ចាស់ជ័យលាភីរដូវកាលទី៣!

អត្ថបទទាក់ទង