ផ្លឹស-ខេអេក ញូវ

នាយពែកមី បង្ហើបសាច់រឿងខ្លះរបស់កម្មវិធីថ្មី “សមរភូមិសំណើច” នៅលើកញ្ចក់ទូរទស្សន៍ CTN

Football Comedy, កីឡា
November 7th, 2024 (4 weeks)
Views: 122
Share

ថ្មីៗនេះ កំពូលតារាកំប្លែង នាយ ពែកមី បានបង្ហើបអំពីកម្មវិធីដ៏ថ្មីសន្លាង ដែលមានចំណងជើងថា សមរភូមិសំណើង ដែលគ្រោងនឹងចាក់ផ្សាយនៅលើកញ្ចក់ទូរទស្សន៍ CTN ក្នុងពេលឆាប់ៗនេះ។

ប្រាប់ទៅកាន់ក្រុមការងារ CBS នាយ ពែកមី បង្ហើបឱ្យដឹងថា កម្មវិធីនេះនឹងផ្តោតលើការរស់នៅ និងខ្សែជីវិតប្រចាំថ្ងៃរបស់ក្រុមបាល់ទាត់ ផ្ការីកគ្រប់រដូវ ដែលជាក្រុមបាល់ទាត់ពោរពេញដោយភាពកំប្លុកកំប្លែង និងមិត្តភាពដ៏ស្និទ្ធស្នាល។

នាយ ពែកមី នឹងទទួលតួនាទីជាប្រធានក្រុម ដើម្បីដឹកនាំមិត្តរួមក្រុមជម្នះនូវឧបសគ្គនានាក្នុងការប្រកួត លាយឡំនឹងសំណើចដែលមិនចេះរីកស្ងួត។ បន្ថែមលើភាពសប្បាយរីករាយនេះ លោក ជីងចក់ ដែលជាពិធីករកីឡាដ៏ល្បីមួយរូប នឹងដើរតួជាអ្នកគ្រប់គ្រង ដែលត្រូវដឹកនាំកូនក្រុមរបស់គាត់ដើម្បីជួយឱ្យពួកគេទទួលបានជ័យជម្នះសម្រាប់ក្រុមបាល់ទាត់របស់គាត់។

ជាមួយនឹងភាពកំប្លុកកំប្លែង និងដំណើរសាច់រឿងរបស់ក្រុមផ្ការីកគ្រប់រដូវកាល កម្មវិធី សមរភូមិសំណើច នឹងនាំមកនូវភាពសប្បាយរីករាយ និងការកម្សាន្តដែលទស្សនិកជនមិនគួរមើលរំលង៕

អត្ថបទទាក់ទង