ផ្លឹស-ខេអេក ញូវ

ក្រុមបារាំងមិនបញ្ចូលឈ្មោះ Kylian Mbappe ក្នុងការប្រកួត UEFA Nations League ខែវិច្ឆិកា

កីឡា
November 8th, 2024 (4 weeks)
Views: 137
Share

ក្រុមបាល់ទាត់ជម្រើសជាតិបារាំងមិនបានបញ្ចូលឈ្មោះខ្សែប្រយុទ្ធ Kylian Mbappe ទៅក្នុងក្រុមសម្រាប់ការប្រកួតពានរង្វាន់ UEFA Nations League ខែវិច្ឆិកាទេ។ នេះបើតាមការប្រកាសអោយដឹងពីគ្រូបង្វឹកលោក Didier Deschamps។

នេះជាអវត្តមានការប្រកួតអោយក្រុមមាន់គកបារាំងចំនួន៤ប្រកួតជាប់គ្នាហើយរបស់ Kylian Mbappe បន្ទាប់ ពីការប្រកួត UEFA Nations League កាលពីខែតុលា រូបគេក៏មិនបានចូលរួមជួយក្រុមនោះដែរ។

សម្រាប់អវត្តមានសាជាថ្មីរបស់កីឡាករវ័យ២៥ឆ្នាំ មិនត្រូវបានលោក Didier Deschamps បញ្ជាក់អោយដឹង ដោយសាររូបគេមានរបួសក្នុងការប្រកួតរបស់ក្លិប Real Madrid ចាញ់ AC Milan ៣-១ នៅ UEFA Champions League ឬ យ៉ាងណានោះទេ ដោយគ្រាន់តែបា្រប់ថា នោះជាជម្រើសរបស់សាមីកីឡាករ។

អវត្តមានរបស់ Kylian Mbappe ជាមួយក្រុមបារាំងនាពេលកន្លងទៅ បានធ្វើអោយរូបគេទទួលរងការរិះគន់យ៉ាងច្រើនពីអ្នកគាំទ្រ ថាមិនបានខ្វាយខ្វល់ពីការប្រកួតរបស់ក្រុមជម្រើសជាតិ និងគិតគូរពីការលេងអោយ Real Madrid ខ្លាំងជាង។

សូមបញ្ជាក់ថា ក្រុមបារាំងនឹងមាន២ប្រកួតក្នុងពានរង្វាន់ UEFA Nations League ខែវិច្ឆិកានេះ ដោយត្រូវស្វាគមន៍ក្រុមអ៊ីស្រាអែល នៅថ្ងៃទី១៤ ខែវិច្ឆិកា មុនបន្តទៅជួបក្រុមអ៊ីតាលី នៅ៣ថ្ងៃបន្ទាប់ពីនោះ៕

អត្ថបទទាក់ទង