ផ្លឹស-ខេអេក ញូវ

ម៉ាលីន សម្ដែងការដឹងគុណនិងមោទកភាព ក្រោយការប្រកួតនៅវគ្គផ្ដាច់ព្រ័ត្រ MasterChef Cambodia

MasterChef Cambodia
November 11th, 2024 (3 weeks)
Views: 185
Share

កម្មវិធីប្រកួតចម្អិនម្ហូបលំដាប់ថ្នាក់ពិភពលោក MasterChef Cambodia បានបញ្ចប់ ខណៈ ម៉ាលីន បានបង្ហោះសារដើម្បីបង្ហាញពីមោទកភាព និងអរគុណដល់អ្នកពាក់ព័ន្ធគ្រប់ៗរូបក្នុងដំណើរក្នុងផ្ទះបាយមួយនេះ។ ថ្វីត្បិតតែមិនអាចសម្រេចបាននូវគោលដៅចុងក្រោយក៏ដោយ ក៏ ម៉ាលីន បានអបអរសាទរចំពោះម្ចាស់ពានរង្វាន់ MasterChef Cambodia សំអន និង លីនដា ដែលជាបេក្ខភាព Top 2 ។

ម៉ាលីន បានឱ្យដឹងថាការលូតលាស់របស់ខ្លួនកើតពីការគាំទ្រឥតឈប់ឈររបស់ក្រុមគ្រួសារ មិត្តភក្តិ និងបេក្ខជន ដាឡែត ដែលឈរក្បែរខ្លួននៅក្នុងដំណើរក្នុងផ្ទះបាយ MasterChef Cambodia ។

បេក្ខនារីមកពីខេត្តកំពតរូបនេះ បានសរសេរថា៖ “ខ្ញុំអាចដើរមកដល់ចំណុចនេះ បានគឺដោយសារការស្រលាញ់ចេញពីចិត្តយ៉ាងពិតប្រាកដ” ដោយបង្ហាញការដឹងគុណយ៉ាងជ្រាលជ្រៅចំពោះការលើកទឹកចិត្តដែលជាកម្លាំងមួយជំរុញឱ្យខ្លួនមិនបោះបង់ក្ដីស្រមៃដើម្បីក្លាយជាកំពូលចុងភៅបន្ទាប់របស់កម្ពុជា។

ទោះបីជាខកខានមិនអាចឈ្នះពានរង្វាន់ដែលខ្លួនបានប្រាថ្នាក៏ដោយ ក៏ម៉ាលីនបានអះអាងថា ខ្លួនបានទទួលរង្វាន់ដ៏មានតម្លៃនៃក្តីស្រលាញ់ និងមោទកភាពដែលខ្លួនទទួលបានពីអ្នកគាំទ្រ និងក្រុមគ្រួសាររបស់នាង។

ម៉ាលីន បានផ្ញើសារទៅកាន់អ្នកដែលតែងតែនៅពីក្រោយខ្លួនទាំងអស់ថា ពានរង្វាន់អាចជួយផ្លាស់ប្តូរជោគវាសនារបស់មនុស្សបាន ប៉ុន្តែសេចក្តីស្រឡាញ់ និងអំពើល្អ ធ្វើឱ្យអ្នកក្លាយជាជើងឯកពិតប្រាកដ៕

អត្ថបទទាក់ទង