ផ្លឹស-ខេអេក ញូវ

មិនរង់ចាំយូរទៀតទេ! ស្ថានីយទូរទស្សន៍ CTN នឹងចាក់ផ្សាយកម្មវិធីដ៏ថ្មីសន្លាង “សមរភូមិសំណើច” នៅថ្ងៃទី២៩ ខែវិច្ឆិកានេះ

Football Comedy, កីឡា
November 14th, 2024 (2 years)
Views: 369
Share

ភ្នំពេញ៖ ស្ថានីយទូរទស្សន៍ CTN នឹងនាំមកជូនទស្សនិកជននូវកម្មវិធីដ៏ថ្មីសន្លាង និងប្លែកភ្នែក ដែលមានឈ្មោះថា “សមរភូមិសំណើច” ដែលចាក់ផ្សាយនៅថ្ងៃសុក្រ ទី២៩ ខែវិច្ឆិកា ឆ្នាំ ២០២៤ វេលាម៉ោង ៧ យប់តទៅ ដែលនាំមកជូនផ្ដាច់មុខដោយ Cambodia Premium Water និង WURKZ ។

កម្មវិធីដ៏អស្ចារ្យនេះនឹងមានលាយឡំនូវ កំប្លែង សើច ទុក្ខព្រួយ ការឌឺដង ពីសំណាក់កសមាជិកក្រុមបាល់ទាត់ ដែលសុទ្ធតែជាតារាល្បីៗ ក្នុងដំណើរនៃការរស់នៅប្រចាំថ្ងៃរបស់ក្រុមបាល់ទាត់ផ្ការីកគ្រប់រដូវ ដែលមាន នាយ ពែកមី ជាប្រធានក្រុម ដែលបង្ហាញពីការតស៊ូរបស់ពួកគេទាំងក្នុង និងក្រៅទីលាន។

ទស្សនិកជន នឹងប្លែកអារម្មណ៍ជាមួយតួអង្គដែលមានអត្តចរិតផ្សេងៗគ្នារបស់ក្រុមបាល់ទាត់មួយនេះ។សមរភូមិសំណើច ធានាថានឹងផ្ដល់នូវផ្ទាំងទស្សនីយភាពដ៏ពិសេសមួយសម្រាប់អ្នកគាំទ្របាល់ទាត់ និងកំប្លែង។ កម្មវិធីនេះ គឺជាផ្នែកមួយនៃការប្តេជ្ញាចិត្តបន្តរបស់ CTN ក្នុងការផ្តល់ជូននូវការកម្សាន្ត និងគុណភាពខ្ពស់។

កុំភ្លេចទស្សនាកម្មវិធី សមរភូមិ ដែលចាក់ផ្សាយផ្តាច់មុខនៅលើកញ្ចក់ទូរទស្សន៍ CTN នៅថ្ងៃទី២៩ ខែវិច្ឆិកានេះ!

អត្ថបទទាក់ទង