ផ្លឹស-ខេអេក ញូវ

តំណាងសមាគមសិល្បករខ្មែរចូលរួមរំលែកទុក្ខគ្រួសារសពតារាចម្រៀង អ៊ុំ គន្ធា

សង្គម
November 19th, 2024 (4 months)
Views: 102
Share

ក្រោយទទួលបានព័ត៌មានគួរឱ្យសង្វេគពីការលាចាកលោករបស់តារាចម្រៀង អ៊ុំ គន្ធា ដោយរោគាពាធនោះ លោកជំទាវអ្នកឧកញ៉ា ម៉ៅ ចំណាន គិតម៉េង ក៏បានចាត់តំណាងនាំយកនូវបច្ច័យចំនួន ១ ៦០០ ០០០ រៀល ចូលរួមក្នុងពិធីបុណ្យភ្លាមៗដែរ។

ក្រោមការចង្អុលបង្ហាញរបស់លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ នៅរសៀលថ្ងៃទី១៨ ខែវិច្ឆិកា ឆ្នាំ២០២៤ ក្រុមការងារសមាគម បានអញ្ជើញចូលរួមពិធីបុណ្យឈាប្បនកិច្ចសពអតីតតារាចម្រៀងអ្នកនាង អ៊ុំ គន្ធា ដែលបានទទួលមរណភាពដោយជរាពាធ ដែលពិធីបុណ្យបានរៀបចំនៅវត្តពោធិ៍ចិនតុង។

ក្នុងបរិយាកាសប្រកបដោយក្ដីអាឡោះអាល័យនេះ ក្រុមការងារបានពាំនាំនូវការចូលរួមរំលែកទុក្ខពីសំណាក់លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ ជូនចំពោះក្រុមគ្រួសារសពអ្នកនាង អ៊ុំ គន្ធា និងបាននាំយកនូវបច្ច័យរបស់សមាគមសិល្បករខ្មែរចំនួន ៦០០ ០០០រៀល និងថវិការបស់លោកជំទាវអ្នកឧកញ៉ា ម៉ៅ ចំណាន គិតម៉េង ផ្ទាល់ចំនួន ១ ០០០ ០០០ រៀលដើម្បីចូលបុណ្យ និងរួមរំលែកទុក្ខជាមួយក្រុមគ្រួសារកូនៗ។ សមាគមសិល្បករខ្មែរ សូមឧទ្ទិសបួងសួងដល់វិញ្ញាណក្ខន្ធអ្នកនាង អ៊ុំ គន្ធា បានទៅកាន់សុគតិភពកុំបីឃ្លៀងឃ្លាតឡើយ៕

អត្ថបទទាក់ទង