ផ្លឹស-ខេអេក ញូវ

ខ្សែបម្រើ Jude Bellingham ជាប់ឈ្មោះជាកីឡាករល្អបំផុតនៅ La Liga រដូវកាល ២០២៣-២៤

កីឡា
November 25th, 2024 (1 week)
Views: 51
Share

បន្ទាប់ពីបង្ហាញទម្រង់លេងដ៏គួរអោយចាប់អារម្មណ៍ និងបានរួមចំណែកជួយក្រុមយ៉ាងច្រើនតាមរយៈទម្រង់លេងរបស់គេរួចមក ខ្សែបម្រើ Jude Bellingham ត្រូវបានសហព័ន្ធបាល់ទាត់អេស្ប៉ាញបោះឆ្នោតអោយជាប់ឈ្មោះជាកីឡាករល្អបំផុតប្រចាំរដូវកាល ២០២៣-២០២៤ កន្លងទៅ។

រដូវកាលមុន Jude Bellingham បានរួមចំណែករកគ្រាប់បាន២៥ គ្រាប់ក្នុងនោះគេរកបាន១៩គ្រាប់ និង៦ Assists បន្ថែមលើសពីនេះគេបានរួមចំណែកយ៉ាងធំក្នុងការជួយក្រុម Real Madrid ឈ្នះពាន UEFA Champions League និង La Liga កាលពីរដូវកាលមុន។

បន្ថែមពីលើការរកគ្រាប់កីឡាករវ័យ២១ឆ្នាំបានក្លាយជាកីឡាករនាំលេងដ៏សំខាន់ ក្នុងក្រុមក្រោមការដឹកនាំរបស់លោក Carlo Ancelotti កាលពីរដូវកាលមុន។

Jude Bellingham បានផ្ទេរពី Dortmund មកចូលរួមជាមួយ Real Madrid កាលឆ្នាំ២០២៣ បង្ហាញខ្លួនសរុបបាន៤២លើកហើយអោយក្រុម និងរកបាន២៣គ្រាប់ គ្រប់ការប្រកួត។

ឥឡូវនេះ បន្ទាប់ពីសមិទ្ធិផលដ៏អស្ចារ្យរបស់គេ Bellingham ត្រូវបានផ្តល់កិត្តិយសជាមួយនឹងពានរង្វាន់ AFE Player of the Year ដែលត្រូវបានបោះឆ្នោតអោយដោយសមាជិកនៃសមាគមកីឡាករបាល់ទាត់អេស្ប៉ាញ។

Bellingham នឹងទទួលបានពានរង្វាន់នេះនៅក្នុងពិធីប្រចាំឆ្នាំរបស់ AFE នៅដើមសប្តាហ៍នេះ ជាកន្លែងដែលគេនឹងចូលរួមជាមួយកីឡាករបាល់ទាត់ដែលមានទេពកោសល្យល្អបំផុតរបស់អេស្ប៉ាញ។

ដោយឡែក ទោះបីជាជោគជ័យរបស់គេក្នុងរដូវកាលមុនក៏ដោយ យុទ្ធនាការបច្ចុប្បន្នរបស់ Bellingham មិនមានភាពរីកចម្រើនខ្លាំងនោះទេ។ ក្នុងការប្រកួត La Liga រដូវកាល 2024-25 Bellingham បានបង្ហាញខ្លួនចំនួន៩ ដង ប៉ុន្តែអាចស៊ុតបញ្ចូលទីបានតែ ២ គ្រាប់ប៉ុណ្ណោះ និងចែកបាល់សម្រេចទី២ដង។

ខណៈពេលដែលទម្រង់លេងរបស់ Jude Bellingham នៅរដូវកាលនេះ ហាក់មានភាពធ្លាក់ចុះបើធៀបនឹងរដូវកាលមុន ប៉ុន្តែវាគ្មានការងឿងឆ្ងល់ទេថា រូបគេនៅតែជាកីឡាករសំខាន់សម្រាប់ Real Madrid ដោយអ្នកគាំទ្រជាច្រើនរំពឹងថា រូបគេនឹងត្រលប់ទៅរកភាពល្អបំផុត វិញនៅពេលដែលរដូវកាលនេះបន្តដំណើរការទៅមុខ៕

អត្ថបទទាក់ទង