ផ្លឹស-ខេអេក ញូវ

ក្រុមហ៊ុន CBS និង សាកលវិទ្យាល័យ De Montfort ចុះហត្ថលេខាលើអនុស្សរណៈភាពជាដៃគូជាផ្លូវការ

សង្គម
December 16th, 2024 (1 year)
Views: 276
Share

ក្រុមហ៊ុន CBS ដែលជាផ្នែកមួយនៃក្រុមហ៊ុន Royal Group of Companies និង ជាក្រុមហ៊ុនប្រពន្ធ័ផ្សព្វផ្សាយធំជាងគេនៅកម្ពុជា និង សាកលវិទ្យាល័យ De Montfort ( DMU )បានចុះហត្ថលេខាលើអនុស្សរណៈនៃការយោគយល់គ្នា( MOU )ជាផ្លូវការនៅឯបរិវេណសាកលវិទ្យាល័យក្នុងទីក្រុងភ្នំពេញ-កម្ពុជា។ កិច្ចសហការនេះ បង្ហាញពីព្រឹត្តិការណ៍ដ៏សំខាន់មួយក្នុងការជំរុញកំណើនផ្នែកសិក្សា និងវិជ្ជាជីវៈសម្រាប់និស្សិតដែលចាប់អារម្មណ៍លើប្រព័ន្ធផ្សព្វផ្សាយ។

ក្រុមហ៊ុន CBS បានប្តេជ្ញាចិត្តក្នុងការផ្តល់ឱកាសកម្មសិក្សាសម្រាប់សិស្សនិស្សិត DMU សំរាប់ច្រើនផ្នែករួមមានការរាយការណ៍ព័ត៌មាន ការផលិតកម្មវិធីទូរទស្សន៍ ការហាត់សម្តែង និង វិស័យផ្សេងទៀត។ ភាពជាដៃគូនេះ មានគោលបំណងដើម្បីផ្តល់ឱ្យសិស្សនិស្សិតនូវបទពិសោធជាក់ស្តែង និងទស្សនៈនៅក្នុងបរិបទនៃការវិវត្តន៍នៃវិស័យប្រព័ន្ធផ្សព្វផ្សាយ និងការចាក់ផ្សាយ។

នាយកប្រតិបត្តិ CBS លោក Dave Ulmer បានថ្លែងសុន្ទរកថាដ៏មានអត្ថនយ័មួយដែលមានចំណងជើងថា”ការផ្លាស់ប្តូរធម្មជាតិនៃទូរទស្សន៍នៅក្នុងពិភពឌីជីថល និងប្រព័ន្ធផ្សព្វផ្សាយសង្គម”។ ក្នុងអំឡុងពេលនៃការធ្វើបទបង្ហាញរបស់គាត់ គាត់បានចែករំលែកការយល់ដឹងអំពីទិដ្ឋភាពប្រព័ន្ធផ្សព្វផ្សាយដែលកំពុងរីកចម្រើន និងផ្តល់ដំបូន្មានដែលមិនអាចកាត់ថ្លៃបានដល់សិស្ស ដោយលើកទឹកចិត្តពួកគេឱ្យបន្តក្តីសុបិន និងបំណងប្រាថ្នារបស់ពួកគេ នៅក្នុងយុគសម័យឌីជីថលដែលតែងតែផ្លាស់ប្តូរ។

ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់ CBS ក្នុងការបណ្តុះបណ្តាលទេពកោសល្យដល់យុវជនវ័យក្មេង និងពង្រឹងទំនាក់ទំនងជាមួយស្ថាប័នសិក្សាសកល ដើម្បីភ្ជាប់គម្លាតរវាងការអប់រំ និងឧស្សាហកម្ម។ វាក៏ជាសក្ខីភាពមួយចំពោះចក្ខុវិស័យរួមរបស់យើងក្នុងការផ្តល់ថាមពលដល់អ្នកជំនាញប្រព័ន្ធផ្សព្វផ្សាយជំនាន់ក្រោយ។

អត្ថបទទាក់ទង