ផ្លឹស-ខេអេក ញូវ

MLBB Esports ចេញសុំទោសចំពោះកំហុសនៅក្នុងវីឌីអូរបស់ខ្លួន ដែលប្រើប្រាស់ប្រាសាទអង្គរតំណាងឱ្យប្រទេសមួយផ្សេង

កីឡា
December 17th, 2024 (2 years)
Views: 598
Share

ស្ថាប័ន MLBB Esports បានចេញការសុំទោសបន្ទាប់ពីបង្កើតកំហុសនៅក្នុងវីឌីអូដែលបានចេញផ្សាយក្នុងអំឡុងពេល Grand Finals Day នៃការប្រកួតជើងឯកពិភពលោក M6 ។ វីឌីអូដែលប្រកាសប្រទេសជាម្ចាស់ផ្ទះ សម្រាប់ព្រឹត្តិការណ៍ M Series បានបង្ហាញរូបភាពប្រាសាទអង្គរវត្តរបស់ប្រទេសកម្ពុជា ដើម្បីតំណាងឱ្យប្រទេសមួយផ្សេង។

ដើម្បីទទួលស្គាល់កំហុសនេះ MLBB Esports បានសម្តែងការសោកស្តាយចំពោះសហគមន៍ MLBB នៅកម្ពុជា និងប្រទេសនានា។ នៅក្នុងសេចក្តីថ្លែងការណ៍មួយឱ្យដឹងថា វីឌីអូនេះត្រូវបានគេដកចេញភ្លាមៗ និងបានកែតម្រូវជាថ្មី។ ការពិភាក្សាត្រូវបានធ្វើឡើងជាមួយដៃគូផលិតរបស់ពួកគេ ដើម្បីកុំឱ្យកំហុសដដែលបន្តកើតឡើង នាពេលអនាគត។

គួរបញ្ជាក់ថា បន្ទាប់ពីចេញវីឌីអូដែលមានកំហុសភ្លាមៗ មានប្រតិកម្មយ៉ាងខ្លាំងពីសំណាក់អ្នកគាំទ្រ និងអ្នកលេង MLBB នៅក្នុងប្រទេសកម្ពុជា ដែលបណ្ដាលឱ្យស្ថាប័ននេះធ្វើការលុបវីឌីអូនោះចោលតែម្ដង៕

អត្ថបទទាក់ទង