ផ្លឹស-ខេអេក ញូវ

ក្រុមកីឡាករដាច់បាយដាច់ទឹកទៀតហើយ! គ្រាន់តែទំនាស់ក្នុងគ្រួសារសោះនាំអំពុលទុក្ខដល់គេឯង តើរឿងអ្វីខ្លះៗនឹងកើតឡើងនៅក្នុងកម្មវិធី «សមរភូមិសំណើច» សប្ដាហ៍នេះ?

Football Comedy, កម្សាន្ត, កីឡា
February 5th, 2025 (2 years)
Views: 363
Share

វីវរហើយ! នៅក្នុងសប្ដាហ៍ទី១០ នៃកម្មវិធី «សមរភូមិសំណើច» ដែលទទួលបានការឧបត្ថម្ភផ្ដាច់មុខដោយភេសជ្ជៈប៉ូវកម្លាំង WURKZ និងទឹកពិសាកម្ពុជា ជម្លោះរវាងប្ដីប្រពន្ធដែលជាចុងភៅប្រចាំផ្ទះបាយរបស់ក្លិបផ្ការីកគ្រប់រដូវ មិនត្រឹមតែបង្កការឈឺក្បាលដល់បងប្អូនសាច់ញាតិរបស់ខ្លួនប៉ុណ្ណោះ ប៉ុន្តែថែមទាំងនាំរឿងអំពុលទុក្ខដល់ក្រុមកីឡាករទៀត ព្រោះគ្មានអ្នកចម្អិនម្ហូប រវល់តែឈ្លោះប្រកែកគ្នា។

កម្មវិធី «សមរភូមិសំណើច» សប្ដាហ៍ថ្មីនេះនឹងបន្តពាំនាំនូវសំណើច អមជាមួយអត្ថន័យអប់រំផងដែរ។ តើមានបញ្ហាអ្វីខ្លះកើតឡើងក្នុងសប្តាហ៍នេះ? ខណៈពេលដែល នាយក្រូច និងស្រីតុ ប្រកែកគ្នាយ៉ាងក្តៅគគុក ក្រុមកីឡាកររបស់នាយពែកមីឯណោះវិញ ក៏បន្តមានរឿងឈ្លោះប្រកែកគ្នាថ្មីមួយទៀត ដោយសារតែច្រាសដុសធ្មេញ ដែលតម្រូវឱ្យមេក្រុមពែកមី ត្រូវចូលខ្លួនមកដោះស្រាយសាជាថ្មី។

នៅពេលប្រគេនចង្ហាន់ដល់ព្រះសង្ឃ ក៏នៅតែមានការទាស់ទែងគ្នា និងឌឺដងផ្លែផ្កាគ្នាជាហូរហែ ធ្វើឱ្យចិត្តមិនស្ងប់ខាតអស់បុណ្យកុសល។ យ៉ាងណាសប្ដាហ៍នេះ បានបង្កប់នូវន័យអប់រំដ៏មានតម្លៃនៅក្នុងប្រពៃណីសាសនារបស់ជាតិខ្មែរយើង។

ដូច្នេះសូមរង់ចាំតាមដានទស្សនាកម្មវិធី «សមរភូមិសំណើច» នាថ្ងៃសុក្រ ទី៧ ខែកុម្ភៈ ឆ្នាំ២០២៥ វេលាម៉ោង ៧ យប់នៅលើកញ្ចក់ទូរទស្សន៍ CTN តែមួយគត់ ព្រមទាំងមានការផ្សាយផ្ទាល់លើហ្វេសប៊ុកផេក CTN TV ផេក WURKZ និងផេក CAMBODIA WATER!

អត្ថបទទាក់ទង